يسعد ظهركم يارب.......

معليش أقرأ كتابتي أقول ماشاءالله عليهم كيف فكوا الرموز هههههههه

اممممممممممممم

هذاك اليوم أنا خلصت وسكت..وهو سكت وسكت وسكت لدرجة ظنيت ماعاد راح يتكلم
دريت إني موعودة خير!


تكلم وقال:
(( فيه زوجه زوجها يخاف عليها ويقفل باب السيارة إذا نزل خوف عليها،إذا رجع تنسى تفتح له لحد مايوقف ع الباب!))

- أعترف أوقات كثير تمر أنسى فتح الباب وأنخرش إذا تذكرت إني مافتحته.. أصلاً أوقات ينزل يقول قفلي أنسى أقفل-

وقال:
(( لمن كنت مسافر الحج ..علاقتنا صارت هادية وزينة وبدأت الأمور تضبط..
أرجع القى مفرش السرير مخيس ماغيرتيه!..ماشريتي شي جديد..تفتتحين فيه علاقتنا!))

- بوضح إن المفرش جديد ماكمل عندي شهرين وطبعاً قصده بمخيس انو مو شي جديد
مو قصده وساخة زي مافهمته أنا! طبعاً أنا أجدد بالمفارش مو تحسبونه له شهرين هههههههه

هذيك اللحظة ذكرت لمن شريت مفرش جديد عصب
قال أنا أعطيك مصروفك لك لاتشترين شي للبيت أنا مابعد كملت فرش البيت ماأبي أضيع فلوسي على مفارش وخرابيط وزعل وعصب وسوآ منها سالفة وقتها..لكن أعترف إني كررت نفس الخطأ وشريت بعدها مفرش جديد
لأني بطبعي أحب أدلع روحي وأجدد تغيير في البيت ومن حقي أشتري اللي أبي من مصروفي خاصة إني عارفة بس مزاجه سوا منها سالفة!...

وحقيقة ماكنت متوقعة إن الأمور بتتعدل بعد رجوعه
ماتوقعت بيعطيني فرصة أتقرب منه
أو حتى بينام معي

انا نفسي تفاجئت لمن قربت منه إنه عطاني وجه...

طبعاً تكلم بأنانية بحته وقال كلام كثير بسرده على شكل نقاط

- أنا حياتي تساوت عندي مافيه شي يهمني وأجامل عشانه!

- أبي وحده ماترادني ولا ترفع صوتها علي ولمن أهاوشها قدام العيال تقول ابشر لاتتكلم ولا تبرر
تحترمني قدامهم!

- انا عمري آخر الأربعين ماعاد أبي أجامل احد لو حتى عيالي..

- أنا قلت عيوبك اعلمك ماعندي إستعداد أجامل!

- انو جداتنا لمن الرجال يعصب كانت الحرمة تسكت وتحترمه ماكانت ترد بأي شي!

- انو مو مقصر معي ومع الأولاد وانو فيه أباء يغيبون عن البيت يومين 3
ولمن يجي الابو ويجي ولده أبوي وين رحت كان الاب يلتفت و-يتفل بوجههم- ويهاوشهم منو أنتوا تسألون!
- طبعاً اذكر حكى هالموقف كان ابوه اللي سواه لهم!-

- أبي وحده تهتم فيني تحط غيارات ملابسي بالحمام!
تأخذ شماغي تعطره الصباح لي أبي أشوف لمساتها!

- لازم أطلع ساعتين 3 من البيت لازم أدخن وارجع للبيت رايق

* طبعاً أغلب حديثة تخلله كثير من التهديد والسب والذم
اسلوبه جداً مستفز ومحتقر ..بس كنتأذكر كلام أختي الحبيبة Beta2
لمن قالت لاتجادلينه واسمعيه وش يبي..وكنت أعطيه فرصة أكثر يتكلم...

هذا اللي أذكر من كلامه

طبعاً بوضح شي عني..

أنا من النوع اللي أحب أخدم الرجال وادلعه لكن...يكون هو يحسسني بأنوثتي وحبه لي!
مستعدة أحسسه برجولته وضعفي بس يكون يقدر هالشي

ماأحب الرجل الأناني اللي عامليني كأبضاي!
لكن...مايعتبرها موجودة ولا يقدر اللي تسويه!

كنت أسوي اللي يقول..طبعاً مو بشكل مثالي
لكني باذلة جهدي..لكن نكرانه لي وسوء عاملته وتسلطه يخليني أحتقر نفسي لمن أبذل جهدي لرضاه!
صح معه حق ببعض الأمور بس هو مافهم إن الدنيا أخذ وعطى

غير انو فيه أمور كانت ترفع ضغطي
أمور عادية عند البعض لكن بالنسبة لي وعيالي شي مهم
كان يرفض أشياء كثيرة منها وجود النت
كان شابكة وفصله بمزاجه
وهالشي موترني وعيالي ماعندنا أي وسيلة تسلية
وحسوا انهم غير الناس وأقل من غيرهم
وأنا أغلب وقتي فاضية ماعندي شي يسليني
ولسى قريب أشترك قبل 4 شهور

يعني هذي من الأمور اللي مايبي نقاش ولا معطينا حرية وهو رايح جاي
ولو قلت شي قال وش عندك بالنت ليش لهدرجة حريصة عليه!

وبوضح شغله حيرتني

يعني لمن أجي ادلعه يقول مو بزر
لمن أستقبله وأرحب فيه يقول مو شرط تستقبليني خلي الامور ببساطتها!
لمن أحرص أوفر أي شي يبيه يقول تراني أدبر عمري!
لمن اسأل عنه واحسسه إني أبي أتطمن يقول تراقبيني!
لمن حتى يكح واسمي عليه يقول تراني مو بزر

وربي حيرني
صرت أشيل هم في كل تصرف
بيلاقي قبول أو لا!

أجمل كلمة قالها لمن قال أتمنى أكمل حياتي وإني ماأموت الا وأنتي اللي على ذمتي..

في آخر لحظة فاتحته بموضوع يرفضه بشده وقال إذا هالشي يريحك وبيفكني سويه
قلت برضاك؟..قال لا..قلت أجل ماابي..

فلمن طلعنا تمشينا بالسوق أستفسر عن الشي اللي طلبته
وحصلته اقتنع برضاه! وعطاني الحرية!

أترك الآن التعليق لكم والله يستر علي منكم