لا اله الا الله

صراحة أقولها لك وانا رجل

زوجتي كانت زعلانه عند اهلها شهر كامل ماشفت ولدي بس شهر والله والله افكر فيه حيل يجيني بالحلم يجيني بالشغل يجيني وانا اتروش واجلس ساعتين تحت الدش يجيني حتى بالصلاة افكر فيها واقول وينه اذا سمع الأذان يحط يدينه على اذونه

حتى عند الاب توب فيه حرف هو اللي قاشعه لما افتح الاب توب ارجع اقفله مابي اتذكره

ولما جا عندنا زيارة عمره سنتين الا 3 شهور

لما شافني ماجاني ولا حضني ولا كلمني ولا عطاني وجه بالعكس خايف مني ومتعلق بجده أبو امه ويقول لجدة بابا وانا نساني

موقف صعب جداً / والله ما تذكرني الا لما طلعته بيتي وشاف الألعاب اللي شريتها له تذكرني لما كنت العب معاه ورجع شوي شوي يلعب معاي

ولما رجع يقول بابا والله كان نفسي وانا احضنه ادخله جوا ضلوعي واقول لاعاد ترجع لأمك خلك عندي

ثاني يوم يمسك يدي ويقولي بابا نن ( نن = سيارة ) ماما ( يوصل لي رسالة انه مشتاق لأمه )

يقولي بابا نن ماما

بابا شغل السيارة وديني لماما = رجعته لأمه لأني عارف انها حنونه عليه وتحبه وهو يحبها

وكل هالامور صارت وانا وزوجتي رجعنا لبعض الحمد الله لكن لانها ولدت الطفل الثاني وفي النفاس حالياً هي عند اهلها ولا ما خليتها ولا خليت عيالي الا ببيتي

شوفي يابنت الحلال روحي لأبوك وابكي عنده واشهقي وصيحي اكثر من صياح الاطفال

اذا اقتنع ابوك الحمد لله ما اقتنع

قولي ليه انحرم من ولدي سنين الى ما يجيني احد يخطبني ليه ما اخذ ولدي عندي أنا احق بحضانته وقت ما جا ولد الحلال وطالب فيه ابوه وديته لأبوه وانتهى الموضوع

منها تكسبين قرب ولدك منك في الفترة الحالية الى ما تتزوجين بدال ما تعيشين بألم وضيم وحزن على فراقه على امل انك صغيره وبيتقدم لك ولد حلال يعوضك طيب ما تقدم لك احد ؟؟ طولتي الى عمر 35 سنه فرضاً اختي الكريمة مو قصدي شئ الأرزاق بيد الله والله يرزقك بس فرضاً ماتزوجتي الا بسن متأخر شوي

بس كل اللي خاطري اقوله احسبيها صح وخليك الكسبانه
ولدك لما يوصل الى عمر 6 او 7 سنوات ويخير تبي امك ولا ابوك مستحيل يختارك لانه ماعرفك ولا تربى معاك

اكسبي وقتك وجيبي ولدك عندك يتربى بحضنك الى ما تتزوجين وقتها حطيه عند ابوه وشوفيه كل اسبوع مرررره عند اهلك
اتمنى وجهة نظري وصلت لك