المشاركة الأصلية كتبت بواسطة أريد أن أتغير

برغم انك ما رديتي علي بس حابة اقلك في غيرك بعاني اكتر منك......انا امبارح مزاجي كتير كان رايق ومبسوطة برغم فكي البارز قليل الكل بحكي عني ما شاء الله حلوة وامورة امبارح رحنا على فرح انا واختي وماما وهون كانت النكد بالنسبالي اجت وحدة تخطبها مني على مرأى مني وماما قاعدة ماما على طول صارت تقلها انا امها عشان ما اضايق لانه هالشي زمان تكرر كتير وانا كنت كتييييييييير اضيق......المهم روحت انفجرت بالعياط لحالي لكن ما قدرت ما ابين ضياقي لماما وصرت اعيط ندمانة لاني وريتها هالشي مع انها حرام حاولت تخفف عني بس ما كان لازم اوريها ضعفي كان لازم اوريها انه مش فارقة معي لكن صعب تكوني قوية بكل الحالات....لكن الصبح اليوم بحاول انسى واكون احسن واقوى وما احمل اختي شي ما الها ذنب حتى ان كانت احلى مني بس عتبي عليها انها بتبقى طايرة من الفرح وما بتراعي مشاعري يمكن لانها صغيرة وبتحب كتير الاهتمام برغم هيك انا لازم اضل قوية النا الله يا عسل والي اله رب ما يخاف املي فيك يارب دايما الله يسعدنا يارب ثقي بربنا وربنا راح يسعدنا ان شاء الله