تهــادو تحــابـو ,,~ - منتدى عالم الأسرة والمجتمع

11-12-2011, 04:56 AM

زهـرة الـرمـان

قلب المنتدى النابض

تاريخ التسجيل: Jul 2011

المشاركات: 3,048

تهــادو تحــابـو ,,~

السلام عليكم ورحمة الله وبركاته ..~

بسم الله الرحمن الرحيم والصلاة والسلام على اشرف الانبياء والمرسلين سيدنآآ محمد ’’

وعلى آله وصحبه آآآجمعين =)

وبعد ,,

من منا لا يحب التوادد والتواصل بالخير والمحبه !!

اذاً ليش ما نتهادى بأجمل العبارات والهداية أو حتى ابتسامه بسيطة حتغير تفكير ناس كتيرين عنك, ونتحابب في الله ..

اكيد كلنا عندنا ناس يحبووونا وناس كتيرين نعززهم ومعزتهم محفوورة في قلوبنا ..

أنا حابه احكيكم حاجه عني أنا اليوووووم سويتها مع أبي الحنووووون الله يخليه ليا ومايحرمنآآ منو ~

جلست اقول الحمدلله بابا مو مقصر معاياا وكل طلباتي الحمدلله والشكر لله أوامر ..

أو اذا قال لا اعرف انو حاجه في مصلحتي .. ازعل شويه بس بعدين اررضى ..

قلت في نفسي ليش ما اشتري لو هديه عشان يفرح بيها

واقدر اشوف ضحكتو الحلوة وابتسامتووو بسببي (الله يديمها ويخليها) =) ..

صح أنا مو موظفه وماعندي راتب ,, بس الحمدلله عندي مكافئة الجامعة وغير اني اجمع احياناً

جلست افكر اشتري ساعة !!

لآلآ

طيب طقم سبحة وقلم !!

لآلآ في منها كتير .

طيب جوالوو متواااضع لأنو مايحب يهتم ويكشخ بالجوالات ومالو جوو فيها

خليني افرحوو واشتريلوو جوال كداا يعجبو وأسأل محل الجوالات عن احسن نووع ..

روحت وسألت .. وقولت للرجال ابغا الجوال يكون هدية لأبوية.. وفي حدوود الألف والميتين >>دآآ يللي معايا .

قاللي الرجال :

ابوكي يعرف لجوالات اللمس ؟؟

قولتلو للأسف لآ

وراني جوال تاني فيلو ازااارير كتييييييره قولتلو لا دي صعبه عليه

مو عشان بابا كبير في السن مايفهم ومايعرف لا بالعكس بس عشان مالو خلق في الحاجات دي ..

قاللي والله احسن جوال باللمس واستخدامو وميزاتوو جداً حلوووووة ..

قولتلو طيب نتكل على الله ..

وراني الجوال وجلس يشرحلي ويوريني هووا مررا عجبني الاستخداام والمميزات

صح صعب عليه في البدايه بس مصيروو يتعوود عليه ان شاءلله ..

وبس اشتريت الجوال اسمو c7 نوكيا ..

ورجعت البيت غلفتها بتغليف حلووو ..

وجبت كارت وكتبت عليه عبارات حلووة وادعيه لوو ..

وفي الجهة التانيه من الكارت كتبت القصيده دي //

يابوي اكتب فيك مــن الشعرابيات ..... يحلى فيــــــك اجمل واحلى قصيده

عساك دايم مني قــريب المسافات ..... لاجلك تهون المسافه لوهي بعيده

لاغبت عني عسى ماطول الغيبات ..... ونشوفك كل يوم واعـــــوام مديده

دوم على البال ياعــــزيز الصفات ..... كل خطوه فيـــك صح ورايك سديده

غيبتك تزيـــد مــن الحـــب عبرات ..... وانتظر كل يـــوم منك اخبار جديده

غـــالي ابن غـــالي من غير لفات ..... الله يديمك على المحبه ايام سعيده

ارجــــوك لا تبتعد وتزيل كل زلات ..... عن الغالي الي احبه ويامر وازيده

طبعاً عشان اكون صريحه "جبت القصيده من النت" .

وطبعاً حطيتها في كيس حلوو وكل شي تمااااام

كان جالس بيشرب الشاهي وجيت فاجئتوو طبعاً اول شي سلمت على خدينو وراسوو

وفتح الكارت جلس يقرأو وبعدين جا يفتح الهديه مررا ماجا في بال احد انو جوال .. >> يمكن مايجي مني اجيب هدايه زي كدا هههههههههههه

وبس شاف الجوال قولتلو دآآ باللمس وانا حعلمك عليه ..

مررررا انبسسسسسط ماتدروو قد اييييييش ياقلبي عليه بس ..

قاللي يابنتي يا حبيبتي ليش دآآ كلوو بس

ماما لمحتلي بسعرو وسالتني بكم .. >> طبعاً ما احب اقول سعر الهدايه بكم بس قولتلها فوق الالف ..

الا هنا بابا انصدم قال ليييييييش كدآآ يعني مكافئتك كلها رااااحت ..

قولتلو لا والله مايغلى عليك شي ..

عـآآد هنا ماما قالتلي وانا ماجبيبتلي

قولتلها من عيووني المكافئة الجيا ان شاءلله ..

قالت : لا ياحبيبتي والله بمززح معاكي .. ههههههههههههه

طبعاً ماراح انساها ولا انسا اخوآآآني =)

وبس كان طوول اليوم وهو يدعيلي ويشكرني ياقلبي عليه عسا ربي مايحرمني منوو ..

عاارفه اني طولت في الكلام ..

بس ممكن تهدو لاحبابكم شي بسيييييط لكن بيقى اثر في النفس ..

وأهم شي الافتكار ..

الهديه ياجماعه لا بقيمة ولا بالسعر الفلاني ولا بالماركة الفلانيه ..

الافتكار أهم شي =)

وهديتي لكم .. اتمنى تتقبلووها بصدر رحــب

دمتم بأمـــان ,,~

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه