كنت جايه افضفض هنا و شفت ردك يا فاكهة و زادني أسي ..

أنا يا فاكهة ما سبق وقلت ان زوجي خلوق أبدا ..
و لو تذكري حكايتي مرة حطيتها هنا عن اسلوب حياتي معه ..
و عن نظامه و ممنوعاته ..
و قلت ان أخواني معارضين اسلوبه لكن حبي له و رغبتي بالتمسك فيه
كان مصبرني ..
الدين اللي عنده ضرني اكثر من ما نفعني .. الدين ما فيه ظلم لكن زوجي ظلمني
ظلمني جدا .. ممكن تقولي ان زواجه مو ظلم لكن أنا اعتبره اكبر ظلم لوحده مثلي ..
لو كنت غير بأسلوبي و شخصيتي كان ممكن ما يصير لي كل هذا ..
ارجع و اقول ليتني فكرت قبل زواجي منه و عرفت الفرق بينه و بين ولدعمي
اللي ما حرم زوجته من شي و لا تزمت و تعنت باسم الدين و تزوج باسم الدين ..
مستهتر لكن عنده ضمير و خلق و حافظ بيته و ولده ..

يا فاكهة .. الحين صرت أنا الأنانية ؟! أنا الطماعة ؟!!
أنا العاطفية و الغير عقلانية ؟! باختصار أنا الغلطانه و اللي ضيعت بيتي
و بنتي ...؟'
بنتي بتتربي سوا بوجود أبوها او لا ..
و لو فكر فيها واهتم لها ما ضيعها ..
خليها تكبر وتشوف و تعرف غلطت أمها و حبها و لا تكررها بعدين ..

يا فاكهة .. العاطفة اللي تعيبينها علي و الحب اللي تحذري منه الزوجات
هذي فطرة الله فينا و تربية المجتمع لنا ..
علمونا ان الحب ما يكون الا للزواج عشان يصير صحيح
و تزوجنا وحبينا و فرغنا كل عاطفتنا المكبوتة ..
مو لان الزوج يستأهل لكن لان باعتقادنا ان هذا الزوج هو اللي
له كل العاطفة و هو الطريق الحلال للتفريغ ..
فحبينا بناء على طبيعتنا مو على اخلاق الزوج ..!

و كيف حكمتي ان الحب ما راح ؟! لا يا فاكهة راح و انتهي و صحينا من غفلتنا
اي حب راح يكون مع شخص مستمتع بينك و بين وحده ثانية ..!
تعتقدي بصدق ...؟!
فهمت معني الزواج لكن بعد تجربة ..
بنفسي شلخ كبييييير جدا منه ..
و ما عندي مصلحه معاه الان ..
بتقولي عاطفية ؟! و باقول لك يعني هو العقلاني ؟!
عقلي يقول أني لا يمكن أتحمل أعيش معاه بزواجه و ان الطلاق
رحمة لي من الألم النفسي الكبير ..
بتقولي الحياة مو حب و رومانسية و مثالية اقول خلاص فهمنا
و فعلا مو مثالية و تضحيات ،.
و بكرة ننسي و ربي يعوضنا و لا أعيد غلطي مرة ثانية ..

- و على منعي له ..
قلت لكم من البداية حاولت لكن هو مصر و عنده عاقادات الغيرة عادية
طبعا لانهم ما جربوها و لا اكتو بنارها و لا حسوا باحساسنا ..
و عنده أني راح ارضخ له و ارضي غصب عني لان الطلاق مرعب زي ما يعتقد الكثير

امس قابلته و وضحت له موقفي و اقسمت له أني ما اجتمع مع وحده ثانية
و بنتي كانت معنا .. و خيرته ..
وزي ما توقعت اناني و متحدي ..
قال .. أنا اختارك انتي و آنتي الأساس وووو و لا تعتبري و جود بنت عمي
تجاهليها .. أبدا ما حس فيني ..
و لما وضح له موقفي قال لا تهدمي بيتك و حكمي عقلك افضل
يعني بااايعني و خااالص ...
راح و بالليل قام ارسل مسج انه يبغاني ارجع للبيته و ان الزواج موضوع
منتهي و كلها يوم الأثنين ملكته ..
طبعا ما رديت عليه انهررررت تماماً و قلت لأبويه ما ابغاه ..
حتي الوالد منصدم منه كيف يسوي كذا و هو كان يضنه عاقل و محترم ..
و أنا ما قصرت معه بشي ..!
مو متخيله انه بيتزوجها و بيخلف منها ..
و أنا اكون مثلها ....!!! إحساس كرررريه جدا
تمنيتها لو كانت علاقة عابرة و لا تلوميني لكن من جد كان أهون علي
من وحده تكون زوجة دائمة و اولاد ...

و في الاخير هذا قدري و الحمدلله و اسأل الله العوض ..
و تأكدي أني أعجز عن كل الكلام اللي قلتيه
لسبب واحد أني حبيت بجنووون .. ممكن نظرتك تختلف
و انتي اكثر صلابة مني و اكثر وعي للحياة من البداية
لكن أنا مكسورة و تعلمت الدرس بطريقة جد قاسية
جزاك الله خيراً ..

كليسي ..
أصلا ما يتزوج الزوج الا اذا كانت زوجته بدون عيوب
لانه لو كانت مبهذلته و معلمته ان الله حق .. كان كره جنس الحريم
كلهم و كان صار عبد مطيع ..
و الله ما يكلف نفس الا وسعها و الضرر الواقع علي كبير جدا
و اللي مصدر هذي الفتوي ما يعرف إحساس الأنثي ..
و مدى تضررها من الامر هذا .
وان النساء في التحمل ليسوا سواسية ..

اللي تسال عن بنت عمه ..
عمرها 33 و التزامها عادي .

اشكر الجميع ..