السلام عليكم ورحمه الله وبركاته
مساكم عسل وجمعه مباركة
هذا اول موضوع نقاش اكتبه في النت بشكل عام وفي المنتدى بشكل خاص
ابي أدخل بالسالفه على طول .. بحاول اختصرها شوي
كنت اسولف مع صديقتى بالظهر ومن ضمن سوالفنا اللى تكلمنا طرينا الموت والقبر وبعدين قفلت منها على اساس نلتقي في المغرب المهم جا المغرب وجانى اتصال من وحده مااعرفها تقولى ان صديقتى تسلم علي وانها سوت حادث بالسيارة قبل شوي ولا فيها شي سلم وانهم بيدخلونها الإنعاش الخبر كان مفاجاءه بالنسبه لى على طول تذكرت سوالفنا اللى عن الموت ما صدقت ابد بس لما حلفتها بالله قالت وربي مااكذب عليك انا ماادري وشلون اوصف صدمتى بس الاكيد انى مااستوعبت ولما بديت استوعب انفجعت وكنت أصرخ وتأثرت جدا قالت لى امزح معاكى وترى البنت ما فيها الا العافيه وهاذي هي جنبي الموضوع مجرد دعابه او مزح على ما يقولون [ مزح كذا وفيها حلف بالله اجل لو صدق وشلون يحلفون باايش استغفر الله ]..
المهم يا أعضاء ابي رايكم بما ان المواقف هاذي منتشرة بين الشباب ومؤخرا استلطفوها البنات ابي اعرف وش شعوره اللى يمزح بالطريقه هاذي لو عرف ان رده الفعل غير مستحبه لان في ناس تمشي عليهم ويحبون هذا النوع من المقالب وفي ناس يتأثرون مثل ما صار معى ان شالله ما في احد من الأعضاء فيه هاذي الصفه المنبوذه .. وابي اسألكم هل هذا يدخل ضمن الحديث النبوى قوله صلى الله عليه وسلم { لا امن لمن روع مؤمنا }
اخوانى وأخواتي علقوا على الموضوع ولو في تجارب شخصيه صارت لكم اذكروها عشان غيرنا يستفيد ويدرك حجم الموضوع ..
اخيرا , أتمنى ان يكون هذا القسم المناسب لما كتبته