السلام عليكم..
انا ام لاربعة اطفال اخرهم عمره شهر ونص فابني الثالث كانت ولادتي صعبه لانه حجم الجنين كان كبير4كيلو و400 .. المهم خلال مراجعاتي مع الطبيبه في حملي خبرتني انه عندي نزول في المثانه ولازمني عملية ترميم بعد الاربعين في ولادتي واجهتني صعوبه انه وضع راس الجنين كان خطء حاولوا الاطباء لف الطفل والمحاولات فشلت وبعد 5 ساعات قررولي قيصريه والحمدلله رب العالمين.
المشكله انه بعد الاربعين بكم يوم صار جماع وكان الالم قوي ونزل علي دم كتير وحرقان شديد بالبول فقررت اشوف المنطقه بالمرايه فاكتشفت انه مكان البول الله يعزكم نازل عن مكانه وفي انتفاخ فمنطقه العجان غير اني من بعد الولاده بعاني من امساك شديد.
هل هدا من نزول المثانه وفعلا لازم اعمل عملية ترميم انا خايفه كتير اعملها اضافه اني باذن الله مش ناويه احمل مره تانيه طيب واذا صار اني حملت لازم اعمل تاني قيصريه ..
انا عانيت من القيصريه وعندي صار خوف من اي عمليه حتى انه عندي فتق بالسره ويمكن ماراجع بخصوصه لاني خايفه يقررولي عمليه ..
هل الالم رح يستمر لو ما عملت العمليه وتنصحوني فيها ولا لا؟
اسفه على الاطاله بس صار الموضوع شاغلني طول اليوم ومنكد علي..
شكرا مقدما ويعطيكوا العافيه على الجهود يلي بتقدموا وجزاكم الله عنا خير الجزاء

اختكم كريستال

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..