انا عندي بنوته عمرها(سنه وعشره شهور) يارب تحفظها
اتمنى استفيد من تجاربكم وخبراتكم في عدة امور:
اولها:الحمد لله بنوتتي في تصرفاتها ذكاء ما شاء الله تبارك الله ، وأبي أنمي هاالشئ فيها بس مو عارفه شلون! اتمنى تفيدوني
ثانيا:ابي افطمها من الببرونه(الرضاعه)؛ لان ابدا ماتاكل. انا بدات تدريجيا حتى صارت ماتشرب الا بالليل بس
احيانا ينكسر خاطري عليها ولما تطلب اعطيها.فهل عمرها مناسب وكيف الطريقه السليمه لفطمها؟
ثالثا:كمان البامبرز هي صارت تفهم لما اقول لها حمام ولما تشوف الصغار تبي تصير مثلهم تروح الحمام ..فهذا الشي شجعني اعلمها ..بس متردده لانه لسا احسها صغيره في التحكم بنفسها فهل اعلمها او لا؟
رابعا: عصبيه وعنيده(طالعه لأمها) انا ابي اعودها ع الهدوء وبرررررود الأعصاب شلون!!؟
خامسا:كيف ممكن اعوضها وجود ابوها لانه حيييييل مشغول بظروف دوامه هو حاليا مو مقصر معاها بس مستقبلا لما تصير تفهم اكثر وتتعلق فيه بطلعاته ومشاويره ؟
سادسا:بنوتتي تحب الاطفال بجنننننووووووون خصوصا المواليد تبي تشيلهم وتاكلهم وتنيمهم ولا تبيهم يزعلون او يبكون اي طفل حتى لو ماتعرفه هذا الشي يحرجني احيانا مع امهاتهم يتمللون منها واحيانا تكسر خاطري مو عارفه ليش وكيف اشبع رغبتها فهالشي؟

طوووولت اسئله بس لاتها بنوتتي الاولى ودلوعتي اتمنى تفيدوني بخبراتكم
ولكم مني خالص الشكر والدعوات
دمتم بحفظ المولى