اخي الكريم
انا كنت ببحث عن حاجه مختلفه تماما على جوجل ثم لقيت موضوعك ده بالصدفه البحته وقريته كله لاني حسيت من عنوانك انك في ضيقه والكلام ده حديث مش قديم ولعلي احمل معايا جواب يشفيك فاني اشتركت في الموقع خصيصا من اجلك.

اسمحلي اكلمك في موضوع وافسرهولك من وجهة نظري والتي اعتقد انا غالبا صحيحه والله تعالى اعلم ولكني على علم كبير بطريقه تفكير البنات عموما. وللمعلومه انا الحمد لله متجوز من سنه.

اخي الكريم..اولا علاقات البنت السابقه ليست دليل كافي و وافي على وجود ادبها من عدمه ولا تستطيع ان تحكم على هذه البنت انها ليست محترمه لمجرد انها كلمت حد قبل كده من غير اطار شرعي اما الناس.لانك لا تعلم ماهي اسبابها وراء ذلك لعلها مجرد تسليه ولعلها وهو الغالب خصوصا مثل ماتفضلت وذكرت انها من عائله محافظه ,تبحث عن الحب قبل الجواز .لا اقول ان هذا صحيح ولا لي علاقه بالدين هنا ولا اتكلم من هذا المبدا انا بكلمك كاني صديق واخ ليك فقط لا غير.
فاذا كان هذا هو العائق الوحيد امامك فلا تجعله يقف بينكم اذا كنت ترى نها تستاهل انك تسامحها وتبدا معاك بدايه جديده.
السؤال اللي تساله لنفسك هنا هو هل انت تثق فيها ام لا؟؟؟
يعني انت هتكون شغال طول النهار وهي في البيت واكيد فيه كمبيوتر وحتى لو انت عارف ان فيه فيس وغيره. هتكون مطمن ولا قلقان؟؟
لو هيكون فيه مجال للشك جواك بعد الجواز ولو واحد في الميه يبقى انت كده مش في السليم.
لو هتكون واثق فيها وفي اخلاقها وصيانتها ليك سامح الماضي وتوكل على الله ولكن تناقش معاها لماذا لم تصارحك وماهي اسبابها وراء ذلك والاهم هل كانت تعتزم اخبارك ولا لا ابدا؟؟ لو اجابتها كانت لا ماتظنش وحش برده ممكن خايفه من انها تخسرك. الواحد دايما يا اخي بيحس ازا كان اللي قدامه ده بيحبه وعايزه ولا عادي.واكيد انت حاسس باللي المفروض تحسه منها وانت معاها.

ثانيا اخي الكريم بعيدا عن موضوع العلاقه السابقه.. الواحد لما بيكون ناوي نيه خير للجواز وبيكون متوكل على الله غالبا اول مابتشوف نصيبك بتعرف انه نصيبك وبتحس انها مراتك حتى من قبل مايحصل اي حاجه..وتاكد اخي الكريم ان جميع الزيجات التي لم تتم على مصالح من الطرفين او طرف بينهم ايا كانت وكانت من عند الله من البدايه سوف تستمر للنهايه لانه ببساطه ده نصيبك اللي ربنا شايلهولك.فهل انت حسيت بكده من اول ماشوفتها ولا كنت بتقول جوازه حلوة والحب هيجي؟

انا بقولك الكلام ده لان لو هي فعلا نصيبك هتلاقيها راكبه عليك في كل حاجه لو انت عصبي هي هتهديك والعكس.يعني شخصية كل واحد فيكم هتكون مكمله للتاني.فهلا انت شايف ده بينكم فعلا؟
وبعدين اللي بيبقى واخد نصيبه عمره مابيحس بضيق ابدا..انت بتبقى حاسس انك عارفها من زمان اوي لدرجه انك مش فاكر امتى ولما اتقابلتم فعليا ده كان مجرد لقاء اخر ليكم جمعكم اخيرا وجها لوجه..ولو ده ماحصلكش ماتقولش دي مش نصيبي لا.لكن افتكر احساسك وقتها وحتى دلوقتي وانت مش بتكلمها..هي وحشاك؟ نفسك تسمع صوتها؟ لو الكلام ده مش موجود جواك يبقى مافيش بينكم حاجه ..وبعدين اخي الكريم

اخيرا الجواز ده قسمه ونصيب اولا واخيرا
انت من الاول ناوي خير وماكنش في نيتك تلعب او تتسلى والدليل انك دخلت من الباب من الاول. فسيبك من كل اللي يقولك انت هتتحمل زنبها ومش عارف ايه..ده كلام فاضي. هو انا هتجوز عشان قلبها ماينكسرش؟؟؟ انت شايف ان ده منطق؟؟ على كده بقى لو المفروض اتجوز كل اللي كان قلبهم هينكسر كان الواحد اتجوز كام وهو مالهوش غير 4 ده لو فرضا ان الماده موجوده؟؟ده كلام فاضي يا دكتور.. انت ماغلطتش.. انت دخلت من الباب وماحصلش نصيب خلاص خلصنا ولازم مايكنش جواك اي احساس بالزنب ابدا...
المهم تقعد مع نفسك قعده حلوة بعيدا عن ضغوطات وتشوف كلامي كويس وتفكر فيه وبازن الله هتعرف توصل للقرار نهائي
وايا كان القرار اللي توصله ماتديش فرصه لنفسك انك تسمع من اي حد اي حاجه زياده لانك فعلا اخدت القرار الاخير فلازم الاحساس ده هو اللي يوصل للناس لانك لو سمعت يبقى انت لسه ماقررتش في نظرهم
وانا شخصيا اتمنالك كل خير وسعاده
اخوك احمد من الرياض
السلام عليكم