السلام عليكم،،
اتمنى إن الجميع بخير

انا لي 5 شهور تقريبا متزوجه . زوجي بحكم تربيته مدلل جدا ولايتحمل المسؤوليه وأعاني من أشياء كثيره بسبب دلاله ولامبالاته
من الاشياء اللي أعاني منها بشكل مو طبيعي مافيه حيل يوديني لبعض المشاوير يا إما كسل او عشان يروح لأصحابه

بأقولكم جدوله الاثنين او الأحد عند أهله وعيال خاله
الثلوث يخرج من دوامه على طول على أصحابه ولايجيني الا على الساعه 2
الربوع والخميس اكون عند أهلي وهو عند اصحابه
...
انا ماعلي منه ولا من خرجاته بس اللي يقهرني احيانا مايبي يوديني لاهلي يوم الربوع يقولي اهلي يودونك يقصد ابوه طبعا مايرفض له طلب والسبب عشان يروح لاصحابه بدون لايتأخر عليهم علما ان كلهم عزوبيه

اللحين هو عندهم وكنت اكلمه وصار يقولي ايش رايك تنزلين مع اهلي عشان عندي خرجه مع الشباب طبعا رفضت وقلت له انت اللي بتنزلني
قالي مع السلامه وقفل!

اللحين انا مقهوره منه وابي اعاقبه على اهماله وانه يبي يرميني على أي احد
الليله إذا جاء من اصحابه وبكره بعد كيف اتصرف معاه
ابس اسوي فيه حركه اخليه يتوب يرميني على احد

هو جنوبي غربي وتكفون لاحد يقولي مشكلتك تافهه والله اعلم باللي شفته منه، حتى خيانه خان

ابي اتصرف بشكل جاد وصارم معاه لأني تعبت
عير كذا هو ضعيف شخصيه ومع ذلك متقوي علي وعارفه ان المشكله مني
معطيته وجهه بزياده

ابي احد يقولي كيف الثقل لاني كل ماثقلت اصير جافه
ما اعرف للثقل،، وهو يبيله وحده تعلمه الجد !!

تكفون ردو علي