السلام عليكم ورحمة الله وبركاتة

صباحكم ومسائكم ورد

عجبني المنتدى واحبيت اقول عن مشكلتي واشوف نصائحكم وارائكم لاني تعبانة نفسيا من هالمشكلة ومحد حاس فيني ,,

ابدأ بالموضوع انا متزوجة من 8اشهر عمري20
انا اكبر اخواتي واول بنت تتزوج ف العايلة
مشكلتي من يوم تزوجت وانا مضغوووطة نفسيا من امي يعني دائما تتحسسني بالنقص واني مو مثل فلانة وفلانة انتي ماتتطلبين زوجك انتي ماتعرفين تتطلبين بجد تعبت اوقات اقول لها من قال الا اطلب وماعندي مشكلة بس مو مقتنعة
لان اهلي ماخذين فكرة عن زوجي واهلة انهم بخلا ... وزوجي ابدا موبخيل بس مايحب صرف الفلوس عالشي الفاضي اللي مامنه فايدة
ومشكلة امي تسمع كلام الناس وتتأثر وتبغانا مثل الناس ليه سوو كذا وانتم لا ... اخر مرة تقول فلانة زوجها شرالها عباية بالف ريال يعني شووفي كيف وانا انسانة مااحب اقلد احد ولا احد يقولي سوي وسوي وااحب احد يتدخل بخصوصياتي اكرررررره شي عندي لكن اذا صار من اقرب الناس لك وش تسوين تعبت والله

مع ان زوجي لو طلبت عيوونه عطاني ...

واللي يقهرني اني اوقات احس ان اهلي مو طايقين زوجي ماادري احساسي صح ولا لا بس كذا لدرجة ان اختي اللي اصغر مني صارت تنصح اوقات ااه بجد حسيت بالاهانة وبالقهر وصل الموضوع الى كذا صرت كأني وحدة مو فاهمة شي وهم اللي يدلوني لطريق .. انا اللي الكل يحترمني في العايلة ويقدر كلامي ويقدرني والكل يمدح في اخلاقي اصير كذا

وطبعا امي ماتخبي شي عن خالاتي اللي هم خواتها لدرجة صرت اكره الجلسة معهم امي الله يهديها راحت تقولهم والله" ن" ماقدرت تطلب زوجها وش هالكلام امي تجيب اشياء واسباب من عندها مرررة ما قدرت اتحمل قولت لها انتي عايشه معي عشان تعرفين قدرت ولا ماقدرت

وبعد ابوي الله يحفظة في بداية زواجي كان يبتعد عن انه يسألني عن اي شي ومايحب يتدخل ...
لين ماأستأذن منه زوجي انه ياخذني ونجلس في بيت اهله في اجازة اخر الاسبوع لان اهله في منطقة ثانية ومايجون البيت الا نادر او في الاجازات ابوي رفض اني اروح معه وضغط ع زوجي انه لازم يبدا ببناء بيت حاول معه زوجي لكن مافي فايدة مع ان الموضوع عادي
المهم صرنا نروح لبيت اهله بدون مايدري ابوي انا وافقت زوجي لان قلت هذا زوجي وماامرني بمعصية عشان اخالفة بس وانا في بيت اهله احس كأني مسووية جرريمه طول الوقت خايفة وش بيصير وقلق لو ابوي درى ماادري ليه ابوي مكبر الموضوع بزيادة مع ان بيت اهله اريييح بكثير من الشقق مرت فتره وطلبت من زوجي يكلم ابوي مره2 ونفس الرد رفضض فقلت له نستأجر صرنا نستأجر بالساعات وانا اكره نظام الساعات هذا احس مااتهنى بالجلسة مع زوجي يعني اسبوع غايب عني واوقات اسبوعين وفي النهاية مااجلس معه الا ساعه او 3 واحيانا يوم وليلة
ووابوي من فترة صار يقطع عمتي اللي هي ام زوجي لانها راحت مع ولدها
لان زوجها متوفي واحسه مااخذ موقف منهم ... مع ان زوجي الحمد لله خلووق والكل يحبه

اه تعببببببببت من هالمشكله ماادري مين الصح وميين الغلط ومين اطييع انا ضايعة في هالمشكله بجد بصراحة من تزوجت وانا احس اني مو عارفة احدد الصح والغلط ماادري ليه يمكن لاني صغيرة او لان هالمواقف اول مرة اتعرض لها ...
وبعد دائما كل ماانفتح موضوع عن البيت والفلوس قالوا زوجك مايقدر يسوي شي فلوسه راحت على اخوانه مايقدر يرفض يعني ضعيف شخصية قدامهم يقهرررني هالكلام ابدا زوجي مو كذا نفسي اقول ماالكم دخل ,, بس صعبه هالكلام مايقوله لي الا اقرب الناس لي واللي واجب علي احترمهم
انا ابغى اعيش بهدوء وسلام مع زوجي .. اوقات نفسي اصارحه بكل شي واقوله اللي في قلبي بس اخاف يجرحه كلام اهلي ... بس قاعده احاول قد مااقدر انسى كل المشاكل وانا معاه عشاني عارفة هو قد ايش مضغوط في عمله وكمان سالفة بناء البيت اللي مخليته دائما مشغول البال ... مشكلة اهلي مايقدرون الله يهديهم حاطين في بالهم ان زوجي عنده فلوووووس بس مايبغى يطلعها هو قادر الحمدلله انه يبني البيت بس ابدا ظرووف عمله ماتسمحله لسى ماتثبت واحتمال ينقلونه فياي وقت


والحمدلله على كل حال ... الله يفرج همومنا ان شاء الله

دعواتكم