والله يا اختي الكريمة حتى لو افترضنا انك بتطلب من المطعم

بتطلب على ذوقك وبتشوف الطبق قبل لا تطلبه اقل شئ يعجبك شكله وتتقبله نفسك

مو تروح امك وتطلب لك اللي على مزاجها واللي هي تشتهيه ثم تحطة قدامك على الطاولة وتقولك يالله اكل غصب عنك تاكل

ما يستسيغه لأنه ماعجبه الطبق

يحاول الانسان يتعايش مع الوضع اذا ما قدر قال خلاص ما اقدر اكمل ومن حقه هالشئ ماسوى شئ حرام ولا كفر

الخطأ مو خطاه الخطأ خطأ عادات وتقاليد مو شرط يكون من أم الرجال

ممكن ابو البنت يقول ماعندنا شوفة ولا تطلب تشوفها عاداتنا وتقاليدنا ترفض هالشئ

وتتزوجه وتحصل هالزوج مو مثل ما توقعت مافيه وسامة ولا شكل مقبول حتى وتنفر منه نقولها تحمليه طول عمرك خلاص ما قدرت تكمل معاه ترد مهره والله يوفقها ويغنيها

واذا الرجال ما يبي يكمل خلاص يسرحها بإحسان ويتزوج ثانية

مو شرط كل الناس لازم ترضى وتتقبل هالشئ وخلاص صار مقدر ومكتوب وشو هو مصيبة اصابته ولازم يتعايش معاها ؟؟

فيه ناس يحصل اشياء تعوضه عن هالشئ من حسن المعشر وصلاح الزوجه وطاعتها وحبها له وخفة دمها وانها تعرف كيف ترسم ابتسامته دائماً واكثر الوقت مرتاح هذا ممكن يحبها ويموت فيها وينسى اصلاً انها أول ليله ماعجبته والعكس كرم الزوج وحبه وتدليعه لزوجته ممكن يخليها تنسى انها بالبداية ما تقبلته ويمكن تحبه بعد

بكل الحالات الخطأ مو خطأ البنت ولا خطأ الرجال انه ما قدر يتقبلها

الخطأ خطأ عادات وتقاليد مخالفة للدين وبس

ومثل مابعض الحريم ودها بواحد مثل مهند وتتفاجأ انه صار مثل ......وانصدمت

بعض الرجال وده بمثل لميس ويتفاجأ انها صارت مثل ........وانصدم