المشاركة الأصلية كتبت بواسطة مدن السلام

اخوي اقول لك شي اذا تسمح

كونك اعطيت اهلك كلمة مايعني ان زوجتك مجبرة تلتزم .. اقول لك كيف ..!
اهلك كلمتهم وعتبهم عليك انت بس .. مو على زوجتك لانك انت ولدهم وهي مجرد
زوجة ولد .. صحيح ان زوجتك تابعة لك ولكن ماهي تابعة لاهلك ..
لو كل رجل يا اخوي فرض هالقاعدة على زوجته وقال انتي تابعة لاهلي واهلي اول
واهلك انتي بالاخير .. كان تهدمت بيوت كثير .. مافي احد فوق احد

انا فاهمة انها يمكن تنهز صورتك قدامهم لما تقول زوجتي مع اهلها
ويمكن يفهمون انك مالك كلمة عليها .. لكن بسيطة تقدر ترقعها ان اهلها
كانو من قبل مخططين وماعلموها الا متاخر .. وكلام اهلك المفروض مايكون المحرك
الاساسي لحياتك الزوجية طالما انت وزوجتك مرتاحين مع بعض ..

اذا ماعجبك هالحل زي ماوضحت لك كان يمديك بنص الوقت موديها لاهلها
حل وسط ما يخسرك ولا يخسرها حتى لو المسافة بعيدة اهم شي دليل على ان راحتها
تهمك ..

اخوي هذا انت اصريت على رايك مع انه صحيح .. لكن وش استفدت ؟
خليتها تروح بالغصب ولا انبسطت .. ورجعت بالاخير ماستفدت شي
شفت كيف احيانا لما نتعصب لارائنا حتى صحيحة .. ممكن تحصل مشاكل
بينما لو نكون مرنين ونطبق اكثر من حل .. نرضي كل الاطراف
انت وصلت لها رسالة غير مباشرة من خلال رفض طلبها وتطنيشها وقت الجلسة
ولحد الان ان : مشاعرك ماتهمني .. وهذي رسالة سلبية ان ماضرت علاقتكم
الان بتضرها بعدين ..

يا ترى هل كلامي مقنع ؟