شوفي الي سواه ابوج عين العقل الحين يالغاليه انتي مشكلتج متمركزه في 3 اشياء
1الكلام الي قاعد ينتشر عنج من اهلج خوات زوجج وعماتج
2مشكلة ابوج مع اهله بسبب الكلام هاذا
3
مشكلة ازوجج الي صدق ولا ردع الناس وصار زي الخروف عندهم حلو
المشكله كبرت وتطورت وصارو الناس يزيدون ويعيدون فيها ويوم يطلعون لج ان حبيبج عتيبي
ويوم انه يدقدق عليج وعلى ابوج وصدقيني الناس ماراح تخليج بهالج راح يزعجونكم اتصالات ورقام غريبه وكذا بس انتو لا تعطون الناس وجه عشان لا تكبر السالفه هناء وهناء خليها محصوره بين الاهل وبس
الحين الازم تركزين على ابوج وعلى جدتج زوجج تنسين موضوعه نهائياااااااااااااااااااااا لانج اذا تبين تركزين في كل شي ماراح تسوين ولا شي ركزي على جدتج لان اكيد لها تاثير رصي على قلبج وروحي عندها واخذي المصحف واحلفي عليه قدامها وقدام ابوج وقوليلها تحلف بنتها على المصحف وان حقي ماراح يضيع بس لازم جدتج حاولي قد ما تقدري تجيبين عيالج وتقعدينهم معاها وتحنني لجدتج وصحي عندها ويعني الي فهمته منج انج تبين ترجعين لزوجج ون عماتج وخواته يسكتون عنج هاذا كله ممكن يصير اذا خليتي جدتج بصفج خليها معاج خذي عيالج وقعدي قولي وش ذنبهم يكبرون بلا اب يربيهم والناس تعيرهم بامهم بشي ماسويته وصحي وسوي لها كم من سالفه بس لمده يومين وبعدها خلاص قومي انتي بخدمت جدتج وحطيها بيعونج ترى الكبار يموتون بالي يخدمهم ويساولف معاهم لازم تكسبين جدتج هاذا شي بخصوص جدتج وابوج انا قلت لج من قبل روحي عطيه شرسحتج اذا انتي واثقه من نفسج واحلفي له بالقران وسكري الموضوع وقوليله زوجي اذا بيطلق ايطلق انت لا تكلمهم عني ولاشي
خلي السالفه تبرد يا يبه مافي مشكله لو تتعلقين 5 شهور بسس لا تتكلمون والسالفه توها شابه خليها تبرد طيب
ونرجع الحين بخصوص سي السيد زوجج اهو ادري تحبينه ومقطع قلبج ودامج صرتي دقدقين عليه شوفي وش راح قال لجدتج قال لها انه منزعج من اسلوبج وانج مزعجته صح ولالا وبهذا معاه حق الرجال مايحبون الي يركض وراهم لان الي تركض وراهم يعتبرونها لزقه او غثى موجوده طول الوقت فعادي يطنشونها متى مابقو ويدقون متى مابقو فهمتي زوجج اعتبريه انه مسافر مهاجر اي شي ولا تعطينه رقمج الجديد خليه يحس بالاحتياج اذا احتاجج و انا مع مسالتج محتاره اقولج اقطعيه نهائيا لانه بكذا الطرف الثاني بيحطه تحت اباطه الي هم خواته وعماتج فا مادري اذا مره مره تقطع قلبج ارسلي له صورة عياله في الواتسب مره في الشهر وبس انما انتي لا تدقدقين ولا ترسلين له اي شي عنج واذا تحبين ترسلين لي بالخاص ترى انا موجوده يليت الاعضاء بعد يساعدون فايض حناني ترى قلبي متقطع على حالتها لانها تذكرني بنفسي وماقول غير حسبي الله ونعم الوكيل في الناس الرخيصه الي تخرب البيوت مادري وش يستفيدون بس حسبي الله وكفى
18-04-2012, 03:57 AM
ضوابط المشاركة
العرض الشجري