ههههههه ذكرتيني لما كان عندي امتحان قرأن كريم وانا عندي سوره كامله ما حفظتها وهي سوره الحجرات بحجه انها صعبه والأبله كانت تقول ما راح يجيبو شي صعب وهي قصدها معقد وانا مسكت في كلامها


ولما نزلت الامتحان لقيتهم جايبين آيه كامله اعطوني البدايه والنهايه وما عرفت اعمل شنو المهم حليت باقي المتحان واستعديت لها وجلست أألف في آيه استغفر الله العظيم بس ما كان عندي مفر لو خليتها فارغه الابله راح تضربني وما فكرت في عواقب اني أألف آيه المهم جمعت كم آيه وانتقيت من كل أيه كم كلمه وحطيتها بالفراغ والتأليف كان في نهايه الورقه ونسيت امسح آثار الجريمه وسلمت الورقه للأبله وسألتني عن الامتحان وقلت لها سهل وراح اجيب الدرجه الكامله وياريتني ما قلت هذا الكلام

لأنها بعد صححت الورقه وحان وقت التوزيع سلمت جميع البنات اوراقهم الا انا ورقتي سلموني ليها بالطابور ومعاها كشف حال واحراج قرأت الابله الآيه على الملأ وحسيت باحراج وبدل ما اقعد ابكي وازعل على اللي عملته جلست اضحك

وياريتني ما ضحكت قامو علي جميع المعلمين والمعلمات واي واحد فيهم يسمعني 60 كلمه فارغه وانا ولا يهمني اضحك في ذاك اليوم شبعت ضحك وما كنت مستوعبه الغلط اللي سويته


ولما مشيت البيت وكلمت والدي برضو سمعني مليون كلمه فارغه وما كنت اعرف حجم هذا العمل

الحين كل ما اتذكر هذا الموقف استغفر ربي واقعد اضحك على قلبي الميت اللي كان يضحك ما حاسي بحجم المصيبه اللي عملتها


هذا موقفي ياريت يعجبكم

__________________




سبحان الله وبحمده ♥
سبحان الله العظيم ♡
♥♡♥♡♥