السلام عليكم ورحمة الله تعالى وبركاته

لا أدري ياصالح لما قريت موضوعك تذكرت بيت للمتنبي يقول فيه
إن أكرمتَ الكريم ملكتهُ ... وإن أكرمت اللئيم تمردا

أسمع ياصالح وأنا أخوك وحط كلامي براسك عدل
دبر لها المبلغ اللي عليك لو تفتش جيوب النمل ، وعطها مبلغها بالكامل حب وكرامة ، ولاتخلي لأي حرمة عليك مِنة ، بس بعدها خلك جداً طبيعي معاها بس أمسك نفسك مادياً ، وعاطفياً خلك غريب!!

عطها نفقتها الشهرية وهذا حقها وغير كذا مالها حق عليك إلا أنك تترس ثلاجتها وكفى .

إذا كلمتك عن أي موضوع مادي قولها ماعندي وبعدين خلاص أنتهى زمن التبذير والإسراف عاجبك كذا أهلاً وسهلاً وإذا مو عاجبك أقلمي نفسك أنه يعجبك بعد كذا ، وقلل كلامك معاها ، وحسسها أنك قرفان من نظرتها المادية ، وأنك ماعدت تحبها مثل أول ( بس لاتقولها هالشي حرفياً خلها تشعرة )

تعود أنك تنام بالصالة أحيان ، وإذا نمت عندها عطها ظهرك .

صالح الله يقول ( إن الله لايغير ما بقومٍ حتى يغيروا ما بأنفسهم )

واللي سويتة انت صح وإياني وأياك أتكلمها ، خلها تحس وخلها تتعلم كيف تتواضع وتبادر للصلح ، بس لاتحسسها أنك زعلان واجد ، خلك عادي ، لأن شكلها متمتعة بزعلك .

المرأة اللي مثل زوجتك طقها بالطوفة ( من غير لاتحسسها بزعلك ) ترجعلك

أدبها لانها غلطانة بس ابتعد عن العنف والكلام البذئ

وموفق يا بن صالح

__________________
استغفر الله واتوب إليه