رد : خلاص زوجي سواها وتزوووج علمت بدوون علمه
يا أختي كلام الأخت طعن قلبي صحيح أنت كثير متنازلة له لدرجة تسمحي له يجرح مشاعرك ويقارن بينك وبينها
حبيبتي تزوج الله يسهل له بس أنت فين ثقتك بنفسك؟؟ وكيف سامحه له يجرحك بها المقارنة وليش تسأليه عنها؟؟؟
لاتظهري للرجل أنك مو واثقة من نفسك أو مو مقتنعه بما تملكين من مزايا الخلل بك مو بزوجك
زوجك وجد أنثى ماهي واثقة ومهزوزة داخلياً ولذلك بحث عن إلي تختلف عنها لأن الرجل بطبيعته
مايحب المرأة الضعيفة وأنت يا أختي أشوفك ضعيفة ومتنازلة عن حقوقك ومرآعية بزيادة وبالله عليك أقرأي كلامك وسطرك الأخير
والقرض اللي اخذه اصلا فقط30 الف ماعنده غيرها 10 الاف مهر
والاثاث كله موجود سابقا في شقه هي مستاجرتها ووعدته تدفع الاجار وتساعده
لانه ابدا ابدا مايقدر ظروفه ماتسمح لاخلص القرض
بيجلس ع الحديده
ديونه إلي ورط نفسه فيها مشكلته مو مشكلتك وأطلبي منه يطيب خاطرك على الأقل بشيء مادي بما أنه
معدوم أحساس و يجيب سيرتها ويقارنك فيها ويطلع لها ويخرج ويطنش بالساعات بدون أي تقدير لك
وزي مادبر 30 قادر يدبر غيرها ومدام فتح بيتين قادر يصرف على البيتين أنت لاتشغلي نفسك فييييه يجلس على الحديدة وإلا على التراب هو إلي جابه لنفسه وأنت جزاك الله خير صبرتي وراعيتي ماديته بمافيه الكفاية وهذا هو الثمن والجزاء والمكافئة
ولا تشيلين همه وأحذري تبدأي تتنازلي من الآن عن حقوقك أو ليلتك أو مصروف عيالك زي مالها لك
لأني حاسة أن طيبتك الزايدة بتخليك تراعينه وتراعيها وممكن تعطيها ليلتك وممكن توفرين بمعيشتكم
عشان ماتضايقين الاثنين
الآن أنت على وجه ولادة روحي أولدي وأجلسي شهر بس وبعد ما تسترجعي عافيتك أرجعي طبعاً بيكون الأخ وحرمه المصون رجعوا من شهر البصل أستعدي أنت لشهر زيه يسفرك فيه ويهنيك زيك زيها كرضوة لك
أنت وأولادك وإذا صعبببب خليهم أسبوعين وهو واعدك فخليه ينفذ وعده
ومن الآن ضعي شروطك كاملة :
حددي مصروف شهري لك
/ليلتك لاتفرطي بيها ولاتسمح له يتهاون فيها
/سيرتها مايجيبها قدامك ولا في بيتك
/المبلغ المادي إلي وعدك يعطيك هو قبل تسافري للنفاس خذيه منه قبل ما يلعب بالفلوس ويضيعها ولأنك راح تحتاجية بعد النفاس تزبطي فيه نفسك وتشتري لك كم غرض
ومن الآن تعلمي كيف تستعيدي ثقتك بنفسك وتذكري ما أنت أول وحدة ولا آخر وحدة زوجها يتزوج عليها
المهم تكوني عالية همه ومايهزك شيء وإذا تزوج أيش راح يصير يعني أيش راح يستجد ؟؟؟
أهم شيء حقوقك تأخذيها وهو خليه يجرب غيرك على باله الأستاذة الجامعية حبيبة وطيبة وبتعطيه
شقى عمرها وتعبها وإلا بتسمح له يجرح مشاعرها أو يقصر بمصروفها ياعيوني زواجته هذه نعمة لك من الله
لأن ربي بعث له وحدة تربيه لك عشان يعرف قدرك ويعرف قيمتك
راجع ياقلبي راجع لك وماراح يطول معها والعلم عند الله ومدا م نيته المال بيعطيه الله على قد نيته
10-05-2012, 07:27 AM
ضوابط المشاركة
العرض الشجري