1- اذا جميلة تطلقت و رجعت اتزوجت أحمد (الحساسية بين الخوين ما راح تنتهي،،،)
أحمد نفسو صعب أنو يكون مرتاح انو يرجع لها وهي كانت زوجة أخوه،،، حتى اذا هذي رغبتو الحين لأنو هو حاسس انو جميلة أخذوها منو بالغصب (ما اعتقد انو حيرجع أحمد لجميلة زي زمان)

2- جميلة حتكون طول عمرها حاسة انو ظلمت أبنها ببعادو عنها أو عن أبوه وهو حي يرزق - وفضلت سعادتها على سعاده ابنها

3- أبنها يستحيل يتقبل الموضوع أبوه موجود حي يرزق و عمو يربيه
حتى لو تركتو لأبوه يربية ،،، الموضوع حيكون عقدة للابن بدون شك

4- محمد اعتقد انو اخف المتضررين لأنو اتزوج جميلة فقط عشان تربي عيالو ،،، يعنى ما فكر في جميلة عن حب لا،، عن قناعة انو ممكن تكون ام صالحة لعيالو،بس ممكن يكون يحبها برضو حتى مع معاملته السيئة لأنو أكيد ينظر لها انو في يوم من الأيام كانت زوجة أخية- وقد يحس ما يجول في خاطر أحمد من حبه لجميلة - بس برضو أكيد نفسو ما حتصفى من الموضوع

*******

يمكن لو أنا كنت مكان جميلة ومش قادرة أطلع حب أحمد من قلبي كنت طلعت خالصمن حياتهم لا محمد ولا أحمد (أكيد ده حيكون أختياري)

ولو كنت مكان محمد كنت طلقت جميلة أو خرجت معها من حياة أحمد بأي شكل

ولو كنت مكان أحمد ما كنت رجعت من الغربة أبدا
الله يهدي الجميع