السلام عليكم
يبدو لي أن زوجتك واحده من ثلاث...
إما أنها من النوع الي الزواج عندها شكل اجتماعي يبعد عنها القيل و لقال وليش ما تزوجت وشفيها وش علتها .. يمكن معقده ... فهي تزوجت عشان تكمل بريستيجها على قولتهم

أو .. أنها تربت على هذا النوع من التعامل .. يعني أمها وأبوها كانوا كذا ..

أو .. أنها لاتحمل لك في قلبها عاطفه حقيقيه .. وهذا شئ مو بيدها و لا بيدك ... ولا تبي تتطلق عشان الاولاد لا يتشتتون ..
طبعا هذي وجهة نظر تحتمل الصواب و تحتمل الخطأ وانت ادرى بزوجتك طبعا

بس فيه كلام بخاطري ودي أقوله

الي ملاحظته على كثيييير من الأزواج اذا كانت زوجته مثل زوجتك مهما ساءت معه يزيد تعلقه فيها ..
لا وكل يوم يتكلم عن الزواج الثاني وابسوي و ابسوي والنتيجة يروح عمره ولا فكر يسويها
بينما أشوف زوجات حبوبات تعامل زوجها كانه طفلها المدلل وتلقاه يتهرب منها ويعاملها بجلافه ..
على قولة المثل ... الئوط يحب خنائوه
ولا يهونون خواتي النساء الكلام ينطبق عليهم أيضا