الإحساس بالقهر سوف يقتلني ظلموني
السلام عليكم ورحمة الله وبركاته
أحس بقهر فضيييع وتعبانه نفسيتي وفقدة الثقه بنفسي من شدة الصدمه
أنا مطلقه وزوجة عمي ظلمتني بشرفي حسبي الله عليها ونعم الوكيل
شرفي أغلى ما أملك مسويته سوالفها اليوميه عند الناس
أهلي كانوا يسافرون لمنطقتهم يسلمون على عمامي وعماتي
وأنا كنت أجلس بنفس منطقتنا عند خوالي ماروح مع أهلي لما يسافرون ينزلوني في بيت خوالي
لأن أبوي فقير مايقدر يشتري لنا ومابي أروح وأنا ماعندي ملابس ومرات وربي ماعندي جزمات تكرمون
جاتنا في بيتنا وتهاوشت معنا ومع بنات عمي وظلمتهن قدامنا هي راعية مشاكل
وغلطت على أمهم وقلت أنا لها حرام عليك خافي الله بنفسك
قالت لي انتي خافي من ربك تحسبيني ما أدري إنك تجلسين في بيتكم لوحدك إذا زارونا أهلك
وتدخلين عليك الرياجيل وتطلعين مع الشباب !!!؟؟
حسبي الله عليها ونعم الوكيل قذفتني وظلمتني وتقوله بوجهي وفي بيتنا
والقهر أهلي ماقالوا لها شي جيت بضربها قالت أمي لا إتركيها مانبي فضايح؟!!
طيب وشششرفي ؟! شرفي ليش تتكلم فيه أسال الله أن يأخذ حقي منها عاجل غير آجل
ولما راحوا لمنطقتهم طلعت علي إشاعات كثيييره وتقول إني أكلم شباب وإني أطلع
وولد عمي يحبني ويبي يتزوجني وهو بنفس الوقت يطلع ولد زوجها بس أنا رفضته لأنه أصغر مني
وكل شوي مسجون ويتغيب عن البيت صارت تقول للناس كل ماغاب عنهم إنه يجي لمنطقتنا وإني أقابله!!؟
وولد عمي هذا لما رفضته غلط علي وقال لو فيك خير كان لما زوجة أبوي غلطت عليك تكلمتي
أو أهلك تكلموا وهي تسبك بشرفك في بيتكم وعندنا وأنتم ساكتين
أنا الحين بغرفتي 24 ساعه ماقابل الناس نحفففت مرررره وصارت نفسيتي زفت
ومن كثر الأفكار صرت شبه مجنونه ماعندي ثقه بنفسي وماقدر أناظر بالناس وأستحي
ومالي شخصيه ووجهي أسمر وشعري خفيف كله من الحزن حسبي الله عليها
أبي أعرف هل فيه ناس تعرضوا للأذى والظليمه في شرفهم وسكتوا وعايشين طبيعي
أنا أكره حياتي وتعبانه نفسيتي وأحسس بحقد عليها حسبي الله عليها حسبي الله عليها
عساها تتعذب مثل ماتعذبت وتدمرت نفسيا"
تغيرت شخصيتي 180 درجه صرت إنسانه منطويه ملامحي شاحبه صامته أغلب الوقت
هل أشتكيها على حقوق الإنسان أو أضربهااااااا كل ماشوفها أفكر أضربها
بس أمي قايله لاتلمسينها المشكله هي تخون عمي وبناته عارفين بس ليش تظلمني
إذا هي خاينه وبايعه شرفها وماهما غضب ربي ولا عذاب القبر ولا النار
أنا ليش تتهمني زور وقذف أنا مطلقه وبتصدقها الناس
المطلقه سمعتها حساسه
ياربي وين أروح أحسسسسس بالقهر والهم كل يوم
التعديل الأخير تم بواسطة الطاهره الشريفه ; 29-07-2012 الساعة 04:11 AM
29-07-2012, 04:08 AM
ضوابط المشاركة
العرض الشجري