السلام عليكم

كل عام وانتم بخير

انا عضوة اكتب على فترات متباعده وفي اعضاء يمكن يذكروني
طبعا انقطعت فتره وحصلت احداث خلالها وماعندي وقت اذكرها
وياليت قبل ماتعطوني رائكم تقرون مواضعي السابقه عن مشاكلي مع زوجي عشان تتضح لكم الصوره كامله عنه
قبل ماتحكمون
انا والله كتبت هالموضوع لاني جالسه احاول انام وماقدرت من التفكير
الموقف هو
زوجي اليوم والدته زارتنا وهي جايه من منطقه ثانيه وهي ونا جالسين بالصاله
وهو يدخل علينا ويرحب بامه ويضحك لها ويرفع العقال من على راسه ويقول لها وش رايك اضربها؟؟هاه اضربها؟؟
انا طبعا سكت وكنت بس خلاص ماسكه نفسي
امه طبعا ماقالت لا
لكنن جلست تدعي لنا ومافهمت كثير على كلامها لكن مادافعت عني او قالت لا ماتضربها
انا طبعا صارت قبل اربعه شهور مشكله ورحت لاهلي وجلست ثلاثه اشهور وكنت بطلق منه
لكنه جلس مع الوالد واستسمح منه وقال خلاص ماعاد ازعلها واعتبرو اللي راح ماضي
حتى انه الوالد جلس يحاول يعرف ايش سبب مشاكلنا اهو طبعا ماعنده شي لكن المشاكل كلها صادره منه
وحلف للوالد انه خلاص يحترمني لني بينت للوالد ان اكبر مشاكلنا انه ماااافي احترام ابدا تقول حيوانه عنده بالبيت
ونا والله كنت خلاص ابغى اتطلق منه لكن الوالد ضغط علي وقالي هذي اخر مره واذا قلل ادبه معاك تعالي وخلاص انا اطلقك منه
انا طبعا اعرف زوجي في اطباع قويه ومتاصله في عايلتهم كلهم كرجال بالذات
عدم احترام الزوجه
ماهو رايكم بالحركه اللي سواها
طبعا زوجي سبق له مده اليد وله سوابق ونا حذرته حتى المزح مايمزح بالضرب نهائي
وشكلهم يتفاخرون امام اهاليهم وامهم انهم مسيطرين على المراه وطبعا عنددددددددددددي ملاحظاااااااااات كثيره على زوجي واخوانه وطريقه تعاملهم مع النساء
وحكيت للوالد عنها ومارضى ابداا فيها
وقال اذا هم رضو بالشي هذا لاترضينه على نفسك
ولا تقبلين انه يضلمك حتى لو قلت لك اصبري لاتقبلين
انا بصراحه بعد مارجعت لك لاحظت بعض التغيرات بتصرفاته بس قلبي مو مرتاح له
وبعد هالحركه تاكدت انه كذاب ومو ناوي يتغير ابدا