رد : مكافأة الزوج ..- للزوجات فقط -
اقتباس:
المشاركة الأصلية كتبت بواسطة اوناا
ومازلنا نترقب رد حكيمة المنتدى
ام سلطان
|
هلا اوناا وحكيمة المنتدى مرة وحدة لا مو معقولة هذا اللقب بكبره لي انا لوحدي فيه هناك منهم افضل واحسن مني بكثير وهاهم قد كفوا ووفوا وماعاد بقى لي شئ اقوله كل بخصوص الموضوع لاكن احب اضيف شئ بسيط لسالفة المساج والتدليك وهو افضل شئ لتدليك القدمين هو ان ندلكها بفازلين نحطه في الفريزر شوية علشان يبرد ومن ثم نطلعة وندلك منه الأرجل لأنه افضل شئ لتدليك ولباقي الجسم الزيوت وانا افضل زيت الزيتون ويكون دافئ طبعا مكافئة المساج هاذي طلعت الشيب في راسي زوجي من محبين التدليك والمساج وبقوة احيان ادلك الين ماعاد اسمع إلا وهو يشخر مجرد ما اسمع السيفونية تبتدي تعزف وانا اتسحب بشويش واطلع من الغرفة كله علشان لا يحس ويقول باقي المكان هذا مادلكتيه زين دلكي الله يعطيك العافية وتسلمين والمهم ادلك وما اخلص إلا انا بنفسي ابغى اللي يدلكني من شدة التعب وكان من اول ليليا يبغى مساج وتدليك وطقطقة وفرقعة لأصابعة وحتى أذآنيه بعد لازم نفرقعها له شفت نفسي هلكت وارجع اشترط عليه ماعاد فيه مساج إلا ثلاث او اربع مرات بالأسبوع وخلاص مافيه غيرها طبعا وافق على مضض يعني اللي بتعود زوجها على المساج والتدليك الله يعينها تتحمل بالنسبة للمكافئات الثانية كل زوجة تدري وش الشئ اللي يحبه زوجها
وانا اقترح انه كمان لما الوحدة تكتب رساله ظريفة وخفيفة وفيها كلمات حلوة وتذيلها بدعوات له وترشها بعطر مميز وتحطها له في جيب البذلة اللي مخصصة لدوام او في بوكه يعني اقصد المحفظة الخاصة فيه بحيث انه لما يطلع من البيت يحط ايده بجيبة او يفتح محفظته يلاقيها ويقراها وراح يفرح وينبسط فيها وكمان تقدر تكتب له في لوحة عبارة او عبارتين حلوة وتعلقها عند المغسلة او على التسريحة بحيث انه لما يصحى الصباح يشوفها قدامه ولها وقع على نفسه وكمان تنقش اسمه على اي تعليقة عندها او خاتم او ساعة وتحتفظ فيها وان كان اسمه فيه ذكر اسم الله تكتفي بأول حرف من اسمه واسمها تكفي وكمان تحط صورته على واجهة جهاز النقال تبعها وتخصص له نغمه خاصة وتحط له اسم حلو كمان الزوج يموت في مدح زوجته له لا تقصرون من هاذي الناحية ابد امدحوهم وادعوا لهم بالسر والعلن وكمان لما الزوج يقوم بخدمة زوجته ويجيب لها كل طلباتها تشكره وتدعي له وتسجد لله سجود شكر وتحمده وتشكره عل انه الله رزقها بالزوج الطيب الحنون والخلوق ترى ما فيها شئ يبنات اللاعب لو شات كورة وجاب قول يسجد لله شكر انه توفق وحنى مافيها شئ لو سجدنا لربنا شكر انه رزقنا ازواج طيبين وحنونين ولا تنسون كل ما شكرنا كل ما الله اعطانا وبارك لنا وزادنا خير عل خير وكمان ترفعين يدينك وترفعين صوتك وتدعين لزوجك وهو يشوفك يالله انك تحفظه وتخليه وتعافيه وتطول بعمره يارب ولا تحرمنا من شوفته وضحكته يارب ياكريم
واخر شئ تدرون اول مايدخل الزوج مع الباب تجيه زوجته ركض وتخمه وتشيله وتفر فيه البيت كله والله انه ماراح ينساها لها بس اهم شئ الرجال لايدوخ ولا توقعينه بالأرض ولو هو ثقيل امسكيه بيدينه واسحبيه وراك سحب واركضي وانتي فرحانه بشوفته
وخلاص خلصت يا اوناا وترى والله دخلت علشانك برد عليك وبنياتي الثنتين مزعجيني يبون احط لهم حناء للعيد وجهزته ودخلت ارد عليك وبرجع احطه لهم والسلام ختام
وكل عام واخواني واخواتي اللي في المنتدى بخير وصحة وعافية من الله سبحانه وتعالى وعيدكم مبارك يارب .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
18-08-2012, 04:02 AM
ضوابط المشاركة
العرض الشجري