مشكلتي مع خطيبي ...... الله المستعان
السلام عليكم ورحمة الله
جيت أبكتب مشكلتي خذيت لفه على مواضيع القسم ولقيت أغلبها نفس وضعي ومشكلتي باختلاف الظروف
بكتب لكم لعل ربي واضع في رد واحد الطمأنينه في قلبي
ابي تفسرون شخصية خطيبي عجزت افهمه على كثر هالسنين وتلقون لي حل يريحني ربي يريحكم
انا صارلي مخطوبه 3 سنين ونص تقريبا والزواج لاجل غير مسمى
انا جامعيه وهو مخلص ثانوي ومعه شهادات كثيره وحاليا يكمل جامعه وكلنا في عمر واحد 24
وشخصيته مغرور وشايف نفسه بشكل لايوصف ويحب يعتمد على نفسه كثير
كتبت مشكلتي بس حسيت اني طولت مسحتها واختصرت
مشكلتي معه اذا سافر يطنشني طناش الكفار
يعني قبل مايسافر يكلمني يوميا وماينام ايام الا اذا سمع صوتي
لكن اذا سافر استغرب تصرفه والله ولا يسأل فيني بس اول مايوصل يرسل انه وصل وبسسسسس
بعدها انا اللي اكلمه عشان ماظلمه يكلمني بس مره وحده وسفره يطول ياخذ بالاسبوعين
انا بس اكلمه هو مايسال عني؟ ولايخاف علي؟
اللي يقهرني اشوفه يسولف في موقع التواصل الاجتماعي مع بنات وشباب عادي لكن عني انا مشغول يعني ؟
طبعا هو يدري اني اشوفه في الموقع
ليش انا اشتاقله وهو لا ؟
ماكان كذا زمان تعبت نفسيا
مابي ابعد عنه اذا سافر عشان مايتعود على بعدي وبنفس الوقت مابي اكون لزقه
بس مباليد حيله انهار اذا طول ماكلمني واكلمه وانا ابكي
جربت حل الطناش والله فوق يومين احس نفسي ميته
تعببببببببببت والله اني افكر بالانتحار عشان اريحه وارتاح بس اخاف من ربي
من زمااان مره صارحني قالي اختنقت تكلميني بكل وقت
ماني مثل العيال اطلع ماحب احد يحبس حريتي ماتعودت على كذا
ونتفق اني اتغير لكنه هو يصير اللي يكلمني كل لحظه وكل وقت وانا لاشعوريا ارجع
صارحته بفكرة الانتحار وهزئني وقال بعد الزواج بصير اخاف منك ماتعرفين تحلين الامور الا بهالطريقه
خاصة انه في فتره قالي ننفصل احسن مادري من قلبه والا لاني ضايقته تعببببت
كل مشكلتي ياعالم اخاف البعد يقسي قلبه علي وينساني وانه باحتكاكه مع هالبنات اللي في الموقع
يشوف غيري ويفسخ خطوبتي خاصة واني احسه مل مني
وش بيدي اسوي ؟
ساعدوني الله يفتحها بوجيهكم انا تعبانه نفسيا
التعديل الأخير تم بواسطة tele43 ; 27-08-2012 الساعة 08:13 AM
27-08-2012, 08:05 AM
ضوابط المشاركة
العرض الشجري