السلام عليكم ورحمة الله وبركاته
كيف حالكم؟ اش اخباركم ؟
مره زمان عن المنتدى
الحمدالله تم عقد قراني من 4شهور
الظاهر الى الان انو ان شاءالله رجال كويس وطيب
ماتوقعت حيجي يوم وبحتار بدا الموضوع وحجي اكتب ابغى نصيحتكم
زوجي عمره 30 طبعا خطوبتنا تقليديه وكدا زي اغلب الناس
لكن اللي لاحظته منه انه مره مررررررررررره عاطفي بس يبغى حضن يبغى دلع
هو بيدلع وكدا لكن احس يبغى مني اكتر انا احس بالذات فترة الملكه المفروض هو يدلعني اكتر
يجيني في الاسبوع مره في البدايه كنت مره مره خجوله معاه ماقدر احط عيني بعينه ومايصدق انو انا اللي في التلفون اجلس اتكلم واتكلم واتكلم بعدين تعودت عليه شويا شويا
اخواني طبعا اغلب الوقت يدخلو عندنا لكن في اوقات يخلونا وهو مره يستغلها تقبيل واحضان
ماني عارفه الاحضان الكثيره حتخليه يمل مني انا سالت امي وقالت لي عادي حضن تقبيل بس الشي الكبير انتبهي وهو ولله الحمد مودب بس مزودها من دي الناحيتين بقوه
في بعضهم يقولو مو كل مره تتفاعلي معاه وتعطيه طيب كيف اصرف الموضوع نمهما صرفته وقمت يرجع ياخدها

الشي التاني صار لي موقفين معاه وماعرف هل يعتبر متسرع ضعيف
الموقف الاول انو كنت اتكلم معه واتصل عليا ولد عمي عشان بيوصلنا مكان ويبغانا ننزل للعلم ولد عمي احنا متربين سوا صح نغطي لبكن نعتبر اخوان عايشين في نفس البيت مره مره كانه اخويا
المهم وقتها قلي مين وقلتله كدا كدا
قلي اوك روحي مشوارك وبعد ماجيت اتصلت اتصلت مارد او يرسلي مسج انو مشغول واحنا مكالمات بينا مره كتيرررره وبالساعات المهم لما لاحظت انو طنش وانا ماكنت عارفه السبب رحت قلت بكيفه وجلست يوم ونص مااتصل ولاهو اتصل اخر شي خفت واتصلت وصرفني لليل ولما جا الليل كان يكلمني وهو يكلمني كان متضايق من حكاية ولد عمي وكيف يكلمني وكان يقولي انو ماذاق طعم النوم ومصدع بس يفكر ليش ولد عمك يكلمك وماقتنع انو احنا كاننا اخوان جلست وقتها اهديه وافهمه وقلتله خلاص حبلغهم انو لعد يتصل وكدا معد ترضى ووقاها وهو معصب كان يقولي انو مره يحبني وييموت فيني وكان صوتهه كانو يبكي وانا كنت ابغى اساله انت تبكي والا اش لكن استحيت

بعدها فتره جا عندي واحنا جالسين مع بعض احنا بينا بطايق كل مايجي يعطيني بطاقه واعطيه بطاقه نكتب فيها عن مشاعرنا شويا داك اليوم كنت حاطه البطاقه لكيس فيه اغراض لاهله
وهو كان حاضني وحسيته شوي تمادى قمت زعلت منه ودفيته واخدت البطاقه وجلست بكنبه لحالي ساكته يعني كاني اقله يله روح خلاص وانا فعلا كنت متضايقه خايفه من اللي يكون بينا زياده عن الزوم
راح جلس جنبي وانا شوي بكيت الا هو يعتذر مني
وشوي حسيت عيونه حمرا وتدمع انا على طول خفت وقلتله اش انت بتبكي قال لا مجرد دموع وقلي انا دمعتي تنزل
انو انا جرحته لما دفيته وبعدته مني جرحته بقوه ولما اخدت البطاقه زاد جرحه يقول اش يعني الكلام والمشاعر اللي كتبتيه عشان زعلتي بتاخديها خلاص ومن دا الكلام
انا ماهان عليا اشوفه يدمع جلست اتعذر عن اسلوبي القوي والمتسرع وانو انا استحيت عشان كدا دفيتك واخدت البطاقه ووو

ماعرفصراحه دموعه دليلي حبه
لكن بنفسالوقت خوفتني ليش يبكي الموقفين مايسوا
معقوله محيتحمل المسوليه البنت اكيد تبغى رجال قوي وحنون اكيد بنفس الوقت لكن يكون قوي تعتمد عليه
خايفه بكره من اتفه الامور يزعل ومايتحمل احيانا احس انو انا اجمد منه بكثير رغم اني ياناس عاطفيه وصرت دايما اقله كلام حلو وكمان والله احبه

ولين مره قلتله انا خايفه منك انت تزعل وكدا وانت لما شفتني اخدت البطاقه قلت دي انهت الجلسه اخاف بكره على اي شي تكبر المشكله ويصير طلاق والا شي
قام زعل وقال لاتقولي دي الكلمه تاني االطلاق اعوذ بالله محيصير وانا اقلك من دحين الا بخيانه غير كدا انسي

بس انا جد محتاره من دموعه هل هو ضعف حب ماعرف

كيف اتعامل مع الرجل بهذه االشخصيه واكسبه لصفي
وهو من نتكلم بالتلفون اغلب كلامه عاطفي ضن وحضن وحضن
الحمدالله مابينا كلام جنسي ابدا ابدا ولاحركات ولا اي شي

للعلم انا مااتضايق من حضنه وكلامه بالعكس كل انثى بحاجه لهذه العاطفه لكني متخوفه انو يكون مو بوقته
او بعد الزواج مايبقى شي ويصير يحسني كنت جريئه
رغم دايما يقول اني خجوله مره لما اقله اني جريئه وكداي يكفي