يا جماعة عايزة آخد رأيكم فى موضوع محيرنى .....

خطيبة اخو زوجى من اول يوم زورناهم وهى شكلها مش مرحبة ...حتى اخت زوجى قالتلى شكلها مش مبسوطة (او ما معناه )......قلتلها يمكن مكثوفة مع ان رايى انا كمان انها ماكانتش مبسوطة

حصلت مواقف كتير تدل انها مش مرحبة بالخطوبة.........

المهم حمايا اكتر من مرة يسألنى عن رأيى فى موضوعهم ويقعد يتعجب من مواقفها معاهم
واخو زوجى وخطيبتة كتير مش بيزورها فترات طويلة وتقريبا برضو مش بيكلمو بعض فالتليفون لفترات

وحمايا يقولى انا نفسى تيجى منهم انهم يطلبو فسخ الخطوبة........
لكن انا بعتبرها زى بناتى ودى تانى خطوبة بالنسبالها وباباها كان صديقة .......

فانا استحرم اقوله ان شكلها مش هتريحو.......وانا مقتنعة بكدة.......اذا كان هو بيقول بعتبرها زى بناتى

بس فعلا صعبان عليا اخو زوجى......واتوقع لا قدر الله مشاكل كتير بينهم بعد الزواج لو كملو مع بعض.......شكلهم من دلوقتى بيقول كدة

وحمايا بيقول كان فالاول هيتحرج لو قالهم انه كل شىء نصيب........لكن دلوقتى فى اسباب ممكن يقولها

اية رأيكم يا جماعة

فالحالة دى......المفروض اقولة رأيى بصراحة.....واللا يكون حرام عليا واظلم البنت وآخد ذنبها

لكن كمان مش عايزة اظلم خطيبها......
هو تقريبا عايز يتجوز بسرعة.......لكن دلوقتى بقالو كتير ماراحلهاش ولا بيكلمها على كلام حمايا


هو بيقولى ان ابنه مش من النوع اللى بيحكى المشاكل.......لكن انا اتمنالو انه يتجوز واحدة فرحانة بيه........مش (مش مقتنعة بيه من دلوقتى .....والله اعلم ).

ها .....اية رأيكم

__________________
الله معى .. الله ناظرى .. الله شاهد على ..