كريستالة ..

أول شي ولدك صغير ،، حرام عليهم ؟؟؟؟؟؟؟؟؟؟؟؟؟؟
إيش التعذيب هذا ؟؟؟؟؟

واجبات من دحين ؟؟؟؟

ولدي الصراحة بعمر 3 سنوات ،، كانوا في الحضانة برة يعلموهم كيف يلونوا بالفرشة ( شخابيط ) ..
و يبنوا مكعبات و أناشيد و أغاني و رقص و أحرف و ( أداب التعامل = سوري ، لو سمحت ، بليز .. إلخ )
و يعلموهم مثلا كيف يعدوا الأرقام و يتذكروا أسامي بعض بطريقة ذكية ..

أما الطريقة التقليدية هذه ( واجب و كلام فاضي ) ..
معليه ..

أحسها بتكره ولدك بالدراسة من بدري ..
هذا رأيي و الله أعلم ..

حتى عضلات يدهم ماتكون لسى متمرنة على مسك القلم و الكتابة بشكل صحيح ..
أتوقع كذا ..

.
.

يوم رجعنا السعودية ، سجلته بالروزضة ..

الصراحة ما كنت أجبره يحل واجباته ..
و لا كنت اطلب منه ، هو كان يجي من نفسه .. و كان عمره 4
و كنت أقول أهم شي لا يجلس فاضي و يختلط بالأطفال ..
و تدخل بمخه كلمة أو كلمتين عالأقل ..

و دحين عمر ولدي 5 و نص و دخلته تمهيدي ..
دحين اللي بديت اهتم و أذاكر له و أراجع له ..
و هو صار يناديني أذاكر له ..

.
.

ماعرف ، هذا رأيي ..