السلام عليكم

اعاني منذ كم سنة من التهاب الجيوب الانفيه واللي يخليني لفترات طويله ما اقدر انام الليل بسبب ضيق النفس والبلغم -اكرمكم الله-
وبديت اتعالج علاجات مؤقتة مثل الحبوب والبخاخات لعلمي ان ماله علاج نهائي !

لكن منذ فترة شهرين كذا كنت احس بآلام في حلقي وخصوصا لما اجي احط راسي ع المخده
وصعوبه بالتنفس بالاضافه الى البلغم - اكرمكم الله-
وبديت احس برائحة غريبه وكريهه تخرج من فمي - وتأكدت ان اسناني سليمه لاني فحصت وانا اعتني فيهم اعتناء كامل-

لما فحصت عند طبيبة انف واذن وحنجره على بالي جيوب مثل كل مرة
لكن هالمره طلع اللي اعاني منه هو اللحميه وكانت كبيييره واحتمال احتاج لعملية جراحية بالاضافه الى حساسيه شديدة في منطقة الانف والبلعوم
المهم ان سبب الرائحه كما قالت الطبيبه هو اللحميه والبلغم والحساسيه
وصفت لي اكثر من دواء وغرغره .. ومشيت عليهم والحمدلله اللحميه صغرت والاغلب اني ما راح احتاج عملية
اما الرائحه خفت كثيييير لكن للحين احس فيها بين فتره وفتره

هذي نبذة عن اللي اعاني منه ..
طلبي الاساسي الآن .. كيف اتخلص من رائحة الفم اللي سببها امراض الانف والحنجره .. ودي اتخلص منها على طول
مو ترجع لي بين فتره وفتره لانها تضايقني جد
وطلبي الثاني .. البلغم - اكرمك الله- كيييف اتخلص منه خصوصا اني اعاني منه على طول وخصوصا لما اصحى من النوم تكون فيه طبقه كثيفه غالبا بفمي او حلقي وتضاااايقني بالحيل
وشيء ثالث - واعذرني على الاطاله- لما تلتهب عندي الجيوب او اللحميه او اي شيء من امراض الانف والحنجره تتعطل عندي حاسة الشم نهاااائيا .. وتستمر عندي هالحاله فتره تقريبا شهر حتى لو تعالجت واختفت عندي اثار المرض .. هل من طريقه لتقوية حاسة الشم ؟؟

اعذرني اخوي الكريم على الاطاله واسفه لاني بقتطع جزء من وقتك
مع كااامل شكري وتقديري لكل ما قدمته وستقدمه
الله يجزاااااك خير اخوي

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين