السلام عليكم
هل الموضوع محيرني من فتره وامس كلمتني صاحبتي جايها خطيب واختلفوا معاه على المهر وقلت يابنت الحلال مو مهم المهر قامت قالت لا عيال هالوقت مايقدرون الا المره الي كاسره ظهورهم بالمصاريف الي يجي بالهيم يروح بالهين وانتي اكبر دليل
بصراحه قلبت علي المواجع انا تزوجت العام وتطلقت بعد شهرين ومن بعد شهر العسل هو اصلا مايبي زي الي شرى جاكيت وماعجبه ويبي يرده واستغربت استسهال طليقي للطلاق
انا مهري سجله ابوي ريال واحد وقال حنا نشتري رجال
طبعا جابو مهر وكان اقل مهر بمجتمعنا وسكتنا وزدنا عليه وماجابوا شبكه وسكتنا
وقالت امه ماراح اسوي عرس وتكفلنا حنا بالعرس ودفعت عليه كثير
واكتشفت انهم اصلا ماعملوا زواج للرجال وابوي واهلي اسكتو ولا حتى عشا بسيط
المهم الشقه اثاثها واضح انه رخيص واهلي هم الي كملوا اكسسوارات وكماليات وشمعدانات
ومن ثاني اسبوع بدى السرير يهتز مسكه باب غرفه النوم طاح وهذا دليل رخصها و رداءه صناعتهت
وطبعا لما سالته بكم غرفة النوم عطاني سعر خيالي وماصدقته انا اعرف للاثاث وناثثه شقق اخ اني واضح الاثاث من الحراج
غير ان الشقه اهلي هم الي دالينهم عليها يعني المعرس ماتعب عوره ودور لا بعد لانه مع فه لاخوي نزل له بالايجار
الي سواه للامانه انه وداني اسبوعين شهر عسل وصدع راسي هناك يتمنن كنه موديني المريخ
ومن علي حتى بالهدايا الي شراها على الرغم من ان طليقي راتبه زين واهله عندهم خير بس مع وفين بالبخل
سؤالي تقولي صاحبتي امس لما تناقشا وقلت لها خيرهن اقلهن مهرا قالت هذا للطيب الي يقدر
الحين الي تجيه سياره رخيصه وماتعب عليها بيحافظ عليها زي السياره الغاليه الي دفع فيها دم قلبه
الحين الرجال لما يتعب بزواجه جسديا و ماديا وقروض وحاله يقدر ويتمسك بالزوجه ويكون جد شاريها
اما الي يرخصونها اهلها ويخففون عن الرجال ويتنازلون ويتنازلون تطيح المره من عينهم ويفكر انها من مصدقه تعرس واهلها يبون اللكه منها باي طريقه