أم محمد مع إنه سؤالك كان لنورا بس رح أحشر حالي بالنص وأجاوبك
لتربي ابنك بين عيلة زوجك لازم تكون شخصيتك كتير قوية عليه أمامهم وما تضعفيه إله أبداً،، وما تسمحي لحد يتدخل فيه،، بعرف إنه هاد صعب كتير،،
أنا بس أروح زيارة إلهم بحاولوا يخربوا اللي بعملوا،، فوقفت وحكيتلهم إنه ما تخربولي النظام اللي عم بمشي عليه أطفالي،، لو سمحتوا،، لما لا سمح الله يصيرلهم شي أنا مسؤولة عنهم،، فأنا حرّة فيهم الآن
وما رح تخافوا عليهم أكثر منّي
الولد في بيت جده بيسمع من أكثر من حد،، ولما يشوفوكوا عصبتي عليه الكل بيصير الإم الحنون إله وبده بس يقوي عليكي وإنه ما يكونلك لا كلمة ولا شخصية عليه!
الله يعجل بنقلك لبيتك يا رب،، وهناك بتاخدي راحتك كتير إن شاء الله
ومثل ما حكتلك نورا،، الطفل ذكي كتير وبيستخدم البكاء لياخد حاجته،، أنا مثلها،، لو ينام من البكا،، خليه،، بس يتعلّم إنه إله حدود معي،، وإنه مش كل شيء عاوزه رح ياخده منّي،، وإنه يسمع كلمة لأ،، وإنه أنا كمان إلي وقتي الخاص وراحتي ومتعتي،،
فيه أشياء بتفيدك كتير،،، بما إنه ما شاء الله ذكي،، تجيبله كتب ملونة فيها صور حيوانات،، وسيارات،، بيفرح عليها كثير،، ولم علّمتيه وما شفتيه حفظ،، ما تخافي بيخزن،، وكله بيطلعه مرّة وحدة،، بتقدري كمان تعلّميه الحروف الانجليزية،،
أنا بنتي سنة وثمن شهور،، بتعرف حرف A,B,C,D,E,F،، وبتعرف بعض الكلمات،، وأنا وقفت معها الإنجلش من زمان،، من بعد ما طبقت السنة من نصيحة دكتوري في الجامعة إنه أركز ع اللغة العربية،، والإنجلش بيجي في المدرسة
الطفل بهاد العمر بيئة خصبة،، بتشكليه مثل ما بدك
مع ملاحظة إنه الألعاب ما بتعنيلهم شي مثل ما إنتي بتعنيله،، بيحب يقضي كل الوقت معك،، وديري بالك من التلفزيون ومخاطره بهالعمر،، وكمان نقطة مهمة،، إلهيه،، أعطيه ورقة وقلم يرسم،، بيفرح كتير كتير،، وبيبعد عنك شوي،، أو أعطيه فوطه يساعدك بمسح الغبار
حكيت كتير أنا
وبعتذر من نورا لأني جاوبت