المشاركة الأصلية كتبت بواسطة المتفائل بالله

السلام عليكم ورحمة الله تعالى وبركاته

أختي في الله فجر "القوية"
كل واحد فينا يافجر يمر بمرحلة ضعف !! مافيه إنسان قوي بشكل مطلق سواء كان قوي عقل او عضلات او حتى شخصية ، ومافيه إنسان ضعيف بشكل مطلق!! كل إنسان تمر علية تغيرات إجتماعية تهزة او تلخبطة وتخلية يحس بالضعف!! وإحساسة بالضعف غالباً يكون فيه ضحية مجتمع معقد!! او ضحية عدم الخبرة!! فلو كان عندك خبرة في الموقف اللي حسيتي فيه بالضعف كان رديتي احسن رد وحسيتي انك قوية مو ضعيفة!! ولو كان المجتمع صالح ماحسيتي بالضعف.
بس أنا ماراح استنى الين تسير عندي خبره كافيه لمواجهة الحياه ( انا فعلا ببدأ من اللحين , - انا لو واجهت احد في موقف معين وجادلني , في أي موضوع , يسير عندي استعداد نفسي للبكاء , وانا راح استعين بنصائحك للتغلب على الخوف اللي في داخلي من مواجهة الأخرين )
بس المشكلة مش هنا المشكلة من تبعات هذا الشيء ف لما تكونين محاطة بمجتمع معقد ، وخبرتك قليلة في الحياة يجيلك إحساس دائماً أنك أقل من الأخرين ، او خلينا نقول يجيلك إحساس ان الأخرين فيهم صفات ووميزات أعلى منك وبالتالي تحسين بالضعف أكثر!! وتحسين أنك أقل من غيرك وأن الكل متفوق عليك وبالتالي تزيد معاناتك وتقعدين تبحثين عن التفوق ، ويصير عندك خلل نفسي وعدم توازن في الشخصية مبدئياً!! وهذه ردة فعل طبيعية لأن كل إنسان يحاول يتغلب على مشاكلة والصعوبات اللي يواجهها بدافع التوازن النفسي!! وهذا اللي قاعدة اتواجهينة الحين.

الحلو بالموضوع أن كل ألم نفسي او مرض نفسي هو أصلاً "وهم" ولا أساس له بالوجود بس كثرة التفكير فيه تحول منة ألم او جرح مؤلم او لنقل شيء لانحب ان نتذكرة او نخوض فيه او مانحب احد يصفنا فيه!! وبالرغم من كل آلامة إلا انه مو حقيقة!! خلينا نسمية سراب نفسي!!
يمكن , ان شاء الله يتحول الخوف اللي عندي - من الناس- ومن مواجهتهم , والقلق اللي يحوشني بسبتهم ,
الى ( لاشئ ) وان شاء الله مااعمل لأي أحد حساب ,

طيب شنو الحل؟؟
الحل أنك تكتسبين الخبرة وتعرفين تتصرفين مع المجتمع المحيط حولك!! كيف تزيدين خبرتك بالحياة وكيف تتصرفين مع المجتمع!!
1-ادخلي في عالم الكتب وأقرأي مثلاً عن الأشخاص اللي كانوا يحملون الحكمة وقوة الشخصية!! مثال على ذلك الرسول صلى الله علية وسلم والصحابة الكرام رضوان الله عليهم ، وأقرأي عن قصص المعاقين اللي أثبتوا للعالم انهم أقوياء في شتى الجوانب ، وأقرأي كذلك في كتب علم النفس وعلم الإجتماع ، وحاولي الإقتداء فيهم والمشي على اثر نجاحهم.
2-نمي مهاراتك!! إذا كانت عندك هوايات نميها عشان تثبتين لنفسك أنك قوية وتثبتين للي حولك هالشي.
3- شاركي في الانشطة العامة وأدخلي مع الناس "الصالحين والناجحين" مثلاً تسجلين في معهد تحفيظ ، وتشاركين المجتمع في الافراح والأحزان وأتكلمي مع الناس وشوفي كيف يفكرون وأستفيدي من الفكر الإيجابي وأبتعدي عن السلبي.
أنا أحاول دايم أشوف الناس كيف يفكرون - وأحاول أستفيد منهم - خاصة هنا في المنتدى
4- حاولي أنك تجدين شخصية حكيمة وكبيرة بالسن (ك خالتك او عمتك او ممن تثقين فيهم) تتكلمين معاها عن امورك الخاصة بشرط ان تكون ثقة وأستشيريها في امور دنياك وأستفيدي من تجاربها وخبرتها بالحياة.

اما موقف الأستاذة!!
أنا ما اعتبرة ضعف في شخصيتك!! بالعكس هو وقار وإحترام في شخصيتك!! هالشي سببلك صدمة صح!! بس لأن فيكِ حياء وادب مارديتي!! وهذا كل ما في الموضوع!!
انا ماراح أربط قوة الشخصيه في أحد , أو شئ معين , يعني , موشرط اللي يخسر علاقه مع أحد ,
ومايكون عنده علاقات متعدده مع الناس يكون ضعيف ؟؟؟؟
لأني لو ربتطها بأي موقف , أو, أي شى ماراح أتغير أبد

والصلاة لاتهملينها وصليها في وقتها عشان ربي يوفقك ويوقف معك في كل امورك.