أنا فاهمه شعورك ..ومقدره مشاعرك..
بس يا غاليه عز نفسك تجدها..
أنا بقولك شيء..
احتمال هو ندمان ومايبغى يطلقك..
احتمال انه يكون اشتاق لك..
بس انت اجلسي بينك وبين نفسك وفكري..بـِ اجابات لهالتساؤلات :
هل الإنسان اللي ما قدرتي تغيريه بسنتين بيتغير بين يوم وليله ؟!
هل السيئات اللي بشخصيته واللي ذكرتي انها اكثر من محاسنه راح تتعدل خلال شهور؟!
قد يحدث هذا الشيء ولكنه احتمال ضعيف..
فرضنا راضاك ورجعك..
هل راح تتحملي الانسان اللي عاشرتيه السنتين اللي فاتت طولك عمرك؟
هل لديك عزيمه قويه على الصبر بدون ان تأذي نفسك ومشاعرك..!

تدري فين الغلط..انك صبرتي من البدايه كان لما شفتيه مابصلي من الشهور الاولى اتخذتي موقف ..
أنا ظهرت لي مساؤي زوجي وبلاويه بعد الزواج بيوم وكنت اطل فيه وهو قدامي بأسلوبه وبطريقة تفكيره وبكلامه هو بوادي وانا بوادي افكر واقول بنفسي معقول بعيش مع هالانسان طول عمري ! وصوت داخلي يرد يقول مستحيل انا اعرف نفسي من فتره قليله أوشكت ان اصاب بالجنون فمابالك سنتين ضاعت من عمرك..بس ربي يعوضك اياها ان شاء الله لانك ان تركتيه تركتيه لاجل الله..

الان يا عزيزتي خذي ورقه وقلم ولن اقول لكِ اكتبي سلبيات زوجك وايجابياته فقد انتهيتِ من هذا الامر..
ولكن اكتبي سلبيات الطلاق وايجابياته وسلبيات رجوع له والايجابيات..
وتخيلي حياتك بعد عشره سنوات مع هذا الشخص ..
وتخيلي حياتك بعد عشره سنوات لو انفصلتي منه..
وقتها تستطيعي ان تقرري مصير حياتك معه بوضوح ولكن كوني قد قرارك لانك بوضعك هذا لو تبغي ترجعي له سهل رجعتك لو كلم ابوك رجال يروحوا له يكلموه لكن قرري الافضل والاريح لك..

ويارب يارب يارب في هذا اليوم الفضيل انه ربي يكتب لك الخير فين ماكان ويرضيك فيه..
أكثري الدعاء اليوم..بالذات وقت العصر وربي يسعدك ويحقق لك امنياتك.

__________________