اخوي بارك الله فيك..

اولا انت لالالالازم تشتغل على الفاظك... هذا اول عيب فيك استشفيته من موضوعك هذا... قلة ادب مره وحده... في موضوع ما يستاهل ينقال فيه هذا الكلام.. يعني اتخيل مثلا و انت تناقش زوجتك في هذا الموضوع او موضوع اخر و ما كان عاجبك الموضوع و تقول هذه الكلمه... و لا تقول ما راح اقولها... دامك كتبتها هني فتأكد انك مستسهل الكلمه و عااادي بتقولها و بدون ما تحس...

اخوي.. انت حديث عهد بالزواج... متزوج صار لك بس 4 شهور تقريبا... و كل بنت تزوجت بتاخذ فتره الى ان تتأقلم و تفهم زوجها عدل... مثل ما انت بتاخذ فتره الى ان تفهمك الزوجه و تتأقلم معاك...

بالنسبه لتصرفها... هو قلة وعي.. و ممكن يا اخوي اللبس و التسريحه كانوا متعبين جدا... تراكم ما جربتوا تلبسون هاللبس لساعات... الوحده ما تصدق الحفله خلصت علشان تفتك منه....

المهم لعلاج هالشي... اطلب منها ترسل صورتها لك... او طرش لها مسج انك تبيها بكشختها اليوم علشان محضر لها مفاجأه... او مر عليها انت و خذها للحفله و هي كااااشخه و امدح فيها و قول لها بصريح العباره انك تبي الكشخه هذي تظل عليها لأنك تبيها عروس الليله...