برودة بعض الرجال
بدخل بالموضوع على طول 
بعلمكم الموقف وعلى أساسه الموضوع ..
كنت قبل كمن يوم ويا ربع في دوله عربيه والله ما قدرت أقضي فيها اكثر من يومين من ضغط اللي صابني ,,
كنا نتمشى بسوق شعبي ونوعاً ما صغير ,, المهم كان ورانا يمشي واحد وياه زوجته (( الله لا يبلانا بوحده مثلها)) من أهل البلد ,, طول ما احن نمشي والله اسمعه يقول لها (( والله رجليه وجعتني خلينا نريح ونجي يوم ثاني )) أنا ابغي المحترمه اللي عداله تتحجى تقوله يلا نرجع وهي أبد ما اسمعها غير تقول (( شو بك ختيرت خلنا نمشي ))
عاد أنا حزتها زاد الفضول عندي وقلت لربع سيروا وأنا بلحقكم ,, وتميت ماشي وراء هالاثنين مب متخيل أنه في ناس بارده جي ولا فيه ريايل مخديه جي تمشي على الصامت ,,,
حسبت لهم يا جماعه حدود قريب ساعه والله ما شفت في أيدها بعد هالف كله وتكسير ريولنا غير كيس واحد ,, قلت في خاطري حسبي الله عليج لحين انا حارج قريب بكت سيجاره من كثر ماني مقهور منها ,, وريلها اللي بط جبدي ريوله ابصم انها ورمت من كثر ما أسمعه يترجاها ترد ...
طبعاً طلبت من ربع أني نسافر لانه شيء مب طبيعي ,, والله بطياره يلست أفكر هل هم جي باردين بحكم جوهم بارد ؟؟ لاحظت الواحد يمشي وراء حرمته وقاضب لحضرتها الاكياس وهي ماشي بيدها غير جنطتها وكوب العصير بعد أو تمصمص بالايسكريم بكل وقاحه ...
أنا قلت لوهاي حرمتي تشفط بالعصير وانا وراها مثل الحمال والله لعلقها بسقف ولا أخليها طب السوق
ودي أعرف معقوله فيه ريايل جي هاااااااااااااااديه وباااااااااااااااااااارده 
مادري ليش أحسهم نادرين عندنا يمكن لانه بعض الحريم عندنا مليقات ويخلونا نطلع من نطورنا (( هذا راي واحد من شباب 
))
__________________
الحمد لله على كل حال
التعديل الأخير تم بواسطة الشتاء الدافئ ; 17-11-2012 الساعة 09:13 AM
17-11-2012, 01:02 AM
ضوابط المشاركة
العرض الشجري