السلام عليكم ورحمه الله وبركاته

كيف حالكم جميعا والله يسعد كل من فتح هالموضوع ويخفف همومه والامه ياكريم


انا فيه حاجات غير مستحبه في زوجي وتستفزني واتوقع انها تضايق اي شخص طبيعي ☺

زوجي الله يهديه لاينفع معاه لاتصريح ولاتلميح ولازعل ولاطيب ماينفع معاه الا ان ربي يفكني من عاداته الغير مستحبه جدااا

زوجي ياكل بصوت ويفتح كل فمه لدرجه احسه بياكل الصحن وياكل بطريقه جدا مقززه يعني شوربه يشربها كذا من الصحن حقها كان مافيه اختراع اسمه ملعقه
والشراب يشرب بصوت مزعج والله يالولا اني اظطر اكل معاه ولا كان عمري ماكلت معاه لقمه وحده ولمحت وصرحت ولاكاني اتكلم
وياكل اشياء تطلع ريحه حلبه +بصل+ثوم ذي اذا ماشافها ع السفره ماياكل ويزعل ولايكلمني كانه ماسك علي حاجه حرام

خلصنا من الاكل والريحه اللي تقرف نجي للشخير وهذا اللي منكد عيشتي ورافض اي حل له مايبي يحط بخاخ لان فيه نسبه كرتزون ولا يبي يروح يصلح عمليه لانه كبير ومايتحمل وانا اللي تعبت وهو ولا همه

نجي للتدخل في اللي يخصه ومايخصه يعني لبس عيالي جلستهم مشيتهم كل شي يتدخل فيه اقوله انت دورك اب مو الاثنين ومع ذلك ماحولكم احد

وفيه عاده الكذب يعني مو في كل شي للامانه بس في طلباتي يعني لو ابي حاجه ومو مقتنع فيها يكذب علي وقتها يعني مثال لو ابي محل معين يقولي طيب وبعدين يقولي مريته ومقفل او طلبك مو عنده

يعني كذا عاده يمكن غيري يشوفها سهله واكيد انا فيني عادات ماتعجبه
المجال مفتوح لتجاربكم اعتبروها فضفضه

لو مالقينا حل اقلها هم يضحك وهم يبكي ومن شاف مصايب غيره هانت مصيبته