السلام عليكم ورحمة الله....


خواتي واخواني جيتكم بعدالله عشان ترشدوني للطريق الصحيح لاني تعبت من حياتي الزوجيه،،انا سيده عمري 28متزوجه من 8سنوات ،،من ولد خالتي ،،حبينا بعض وقت الخطوبه والملكه ادرجة الجنون،،بعد ماتزوجت اكتشفت ان كل واحد تفكيره بعالم مختلف،،بس عشت بداية زواجنا مبسوطه بالرغم من الاختلاف الشديد بشخصياتنا وميولنا ،،وهو بعد حاول يتكيف ويكون مبسوط،،قبل كم سنه اكتشفت انه يكلم بنات ع النت استغررربت من اتجاهه لهالطريق بالرغم اني ماقصرت معاه بشي باللي اقدر عليه،،واجهته ويعتذر وقتها ويرجع مره ثانيه ،،لحد قبل سنه دخلت عليه وهو يكلم وحده وانا كنت تعبانه هذاك اليوم ونايمه بس قمت بشرب مويه وسمعته،،طبعاً صارت مشكله كبيررره بيننا وقتها واعتذر مني ووعدني انه ماراح يعيدها وانا خلاااص ماهمني يعيدها ولا لا لان الثقه انهارت وانتهت،،ومن بعد هالموقف للان احس نفسي اكرهه واحيان اتعوذ من الشيطان بس مو قادره ،.للمعلوميه هو مو انسان سئ انسان عادي جداً،،وهو يوم حس اني بديت اعرض عنه احسه بدا مايحبني زي قبل،،ودااايما ينتقد شخصيتي وملامحي وافكاري،،احس اني زوجه فاشله مدري ليه دايما الوم نفسي ،،واحيان اقول يمكن لو اني متزوجه انسان قريب من افكاري كانت حياتي سعيده وهو كذلك،،ودي اعيش زي باقي المتزوجات بس خياناته كسرتني،،احس اني مدفونه بالحيااه،،ارائكم واقتراحاتكم وشكرااااااً