أخوي La isla

ليت تقرأ ردي بتمعن ، و بدون التحيز لأي طرف ..
بما إني موظفة ، فأرفض رفض تام ( تعميمك الحكم عالموظفات ) .. راح أضرب لك مثال فقط ..
علشان ألاحظ أي موضوع فيه نقاش عن الموظفة و الغير موظفة
( على طول يقولوا ربة البيت وحدة جالسة تهتم بأطفالها ؟؟؟ )

أو على بالهم الموظفة ، وحدة بيتها متسخ و أطفالها عند الشغالة على طول ..

.
.

أنا موظفة ياخوي ..

يعني ما توظفت ، إلا و أنا متحصلة على شهادة علمية ( و فيه ربات بيوت برضو عندهم شهادات علمية عالية )
بس بأوضح لك .. إني وحدة متعلمة ، فلابد قبل لا أنظر لمصلحة المجتمع ( إني انظر لمصلحة أولادي و بيتي و زوجي )

و الحمد لله .. الشغالة جايبتها على حسابي ..
مو علشان تمسك أولادي ..

( علشان زوجي ما يبغاني امسك شي بالبيت .. و يبغى الشغالة تمسك الأولاد و أنا و هو نعيش زي العرسان )
طيب ؟؟؟؟؟

فين كلامك إنه الشغالة على حساب الرجال ؟
فين كلامك إنه الموظفة رامية أولادها عند الشغالة ؟

زوجي يقول لي ( إنت ماسكة العصاية بالعرض ، لييييش ما تتركي الأولاد عند الشغالة و تروحي تتمشي بالسوق ؟ )
بس أنا اللي أرفض

.
.

أوكي ..

نشوف حالة وحدة متزوجة و غير موظفة من مجتمعي ، عشان لا نروح بعيد ..

قريبتي ما تشتغل ، اخر مرة زوجها ترك لها البيت و غاب يومين .. زعلان منها ، تعرف ليه ؟؟؟
جايب لها شغالة على حسابه ، و سواق من جيبه ، و هي ناااااااااااااااااااايمة طول الوقت لحد الساعة 1 الظهر ..

الشغالة تصحى الساعة 8 الصبح و تنظف البيت ، و تمسك ولدها الصغير و تأكله و تشربه و تلعبه و تنيمه ..
الشغالة تقطع الدجاج و الخضراوات و كل شي تجهزه ..
تقوم صحبة البيت عالساعة 1 .. كل شئ جاهز ..

خلاص ، بس تطبخ و تحط السفرة لزوجها عالساعة 2 الظهر ..

زوجها ينام و يرجع يروح شغله بعد العصر ..
تجلس هي مع التلفون ، تتكلم عن فلانة و علانة و تنقل كلام مابين و بين .. و تتضارب مع الشغالة ووو إلخ
بعد المغرب تخرج أي مكان و تترك الأولاد مع الشغالة ..

ترجع البيت ، و تسهر لوحدها عالقنوات و الأفلام التركية لحد الفجر ..
أولادها يروحوا المدرسة بعد الفجر ، و ترجع تنام .. و تعاملها مع أولادها بس ضرب * ضرب بالسلك و العقال ..

الأولاد ، لسانهم بذيئ .. شخصيتهم مهزوزة .. كسلانين بالمدارس و المعلمين يشتكوا للأب ..

( زوجها ترك البيت يومين ، عشان يأدبها .. قال لها هذه مو عيشة ؟ )

تحسنت يومين و رجعت لحالها السابق ..

أنا عرفت ، لإني من زمان كنت ملاحظة الشي هذا و أنصحها و ما يعجبها ..
و وقت زوجها زعل منها ، دقت علي تبكي و خايفة إنه يكون أخد غيرها .. تحسنت يومين و رجعت مثل قبل

.
.

و مع كذا ، في السنة هي تسافر برة السعودية مع زوجها ( ماشاء الله تبارك الله ) للخارج ..
و البيت و كل شي على حسابه ..

(( هل لإنها تستحق الكرم أكثر من المتزوجة ؟ ))

.
.

و دحين مجرد ما جاتها وظيفة عن قريب ..

زوجها قال لها (( راتب الشغالة عليك ، مصروفك عليك ، كل شي عليك ، جوالك عليك ))

.
.

على إيش يدل الشي هذا ؟؟؟؟؟؟؟؟؟؟؟؟؟؟؟؟؟؟

__________________
من اجل التغيير الفعال لانفسنا.. يتوجب علينا تغيير مفاهيمنا اولا..