رد : يوم زفافكم
السلام عليكم ورحمة الله وبركاته الأخت الغالية نور الإيمان موضوعك جميل ورائع ومن يقدر ينسى يوم زفافه اكيد كل واحد فينا له ذكريات فيه حلوة ومواقف جميلة ومضحكة في هذا اليوم والظاهر إن اختك في الله حازت على المواقف المضحكة اكثر من الجميلة وذلك لجهلها ولصغر سنها في هذا اليوم ماكانت عندي المعرفة بكثير من الأمور اللي كنت اجهلها طبعا لما تزوجت كان عمري في بداية السنة الرابعة عشر يعني خلصت 13سنة وكنت داخلة على 14عشر سنة من العمر وتحديد بعد حرب تحرير الكويت مباشرة كنا نسكن في قرية بسيطة وكل اهلها بسطاء ومتواضعين وغير متكلفين في حفلات الزواج وكان بينهم تعاون وتكاتف في كل شئ كانوا اهل القرية كالأسرة الواحدة في صوت وموت يدهم واحدة في الأفراح والأتراح طبعا عندنا الزفاف يتم على ثلاث مراحل ثلاثة ايام متتابعة اول يوم يجيبون مقاضي العرس والذبايح وجميع مايلزم الطبخ من اكل وشاي وقهوة ويجيبوا كراسي وفرش وطاولات ويوزعونها طبعا يفرشون للحريم المعازيم في بيت اهل العروسة ويفرشون للمعازيم الرجال في ساحة خارجية تكون مخصصة لرجال خارج البيت وبعيدة عن البيت اللي فيه النساء المعازيم طبعا الكراسي والطاولات ماكان يستأجروها ابد ولا كان حتى فيه اماكن نستأجر منها مثل اليوم لا كل الجيران يتجمعون ويجيبون اللي عندهم من فرش وكراسي وطاولات وصحون وفناجين وكاسات ويجيبونها لبيت اهل العروسة علشان يقدمون فيها للمعازيم وكان الجار اللي يجيب اغراض من بيته وترجعها تقول اكتفيت كان يزعل ويقول ليش تقبل من فلان وفلان إلا انا فطبعا ماتقدر تعتذر من احد تقبلها كلها منهم حتى بعد ماينتهي العرس بأربع ايام تغسلها وترجع كل شئ لأصحابه طبعا اول يوم تجهيزات ويحفروا تنانير بالأرض وهو مفرد التنور علشان يجهزون فيه الذبايح ويحطون مكان مخصص من الأحجار يبنونها ويشعلون تحتها النار ويجبون قدر او طنجرة مثل ماتقولون لها عندكم كبيرة لطبخ الرز والمرق والعيش اللي هو نوع من انواع الخبز يقدم مع الوليمة ويجهزون الحطب ليوم العرس وثاني يوم عندنا يكون اسمه يوم الحناء وهو تجهيز العروس بالكامل يتجمعون الحريم المعازيم من الجارات والصديقات ويجلسون ينشدون ويرقصون ويقولون الشعر ويحطوا الحناء وعقود الفل ويلبسون لبس مخصوص لهذا اليوم طبعا مع تقديم الشاي والقهوة والعصيرات والحلويات والمكسرات للحاضرين وينتهي هاليوم ويبتدي اليوم الثالث اللي هو يوم الزفاف الطباخين اللي مكلفين بالطبخ بعد صلاة الفجر يبتدون يذبحون الذبايح ويشبون النار ويسلخون ويقطعون ويطبخون الوليمة ويجهزون الشاي والقهوة طبعا كان عندنا زمان وليمة العرس تقدم كوجبة غداء وليس مثل اليوم عشاء وكان الرجال يتجمعون بالمكان المخصص لهم والحريم يتجمعون في بيت اهل العروسة ويبتدي التجمع من الساعة 11 يتوافدون المعازيم ويبتدي العرس والرقص على الإيقاعات الشعبية عندنا رقصات خاصة على الدفوف ولا يمكن يصير عرس إلا وهي موجودة وللحين منطقتنا مشهورة فيها طبعا الرجال يأدون رقصة اسمها السيف والعزاوي ويتبارون بقول الشعر ويطلقون النار الحية والألعاب النارية لإعلان الفرح والبهجة والسرور وكل من يحضر للعرس من الرجال تلاقيه ياشايل له باروده او مسدس وقبل مايدخل على المعازيم يطلق طلقات في الهوى طبعا يتزينون الرجال بلبس الخناجر والمسدسات والبواريد وزي مخصص للعرس وعقبها يصلون الظهر جماعة وبعدها يتناولون وجبة الغداء وبعد مايخلصون يتناولون الشايىوالقهوة والحلويات ويكملون احتفالهم حتى عقب صلاة المغرب وكل واحد يروح لشغله وبالنسبة للحريم يحتفلون ويتناولون وجبة الغداء ويواصلون بالحفل إلين عقب صلاة العشاء وكل وحدة على بيتها طبعا اللي يزيد من ولائم الأكل يتم توزيعه على الجيران ويحطونه عشاء بالنسبة لتجهيزي اختي الكبيرة الله يحفظها ويجزاها خير قامت بكل شئ من اللبس والتسريحة والمكياج ماعاد لبس الذهب طبعا كان عندنا من عاداتنا وتقاليدنا إنا نلبس الذهب في يوم الزفاف مع فستان العرس موةمثل اليوم اطقم كرستالات او اكسسوارات لا زم من الذهب في يوم الزفاف ينلبس طبعا لبسوني الفستان وجهزوني من التسريحة والمكياج وخلصوا وعقبها جابوا العريس هو اللي يلبسني الذهب طبعا هو واخته تساعدوا الشئ اللي يجهله اخته ماقصرت معاه ساعدته فيه طبعا كانوا الحاضرين اخواته وامه واخواتي وامي الله يرحمها وعماته طبعا الذهب هو عبارة عن طقم كبير ينلبس بالرقبة مع جميع ملحقاته حزام على البطن وإسوارة وخاتم وحلق إضافة الى تاج ذهب وطقم بناجر يجي باليد حدود 12 حبة وساعة وخواتم ودبلة وعليها عقود مع تعليقاتها اقل شئ عقدين وإذا ماكان تاج ذهب فيه نوع يقال له الهامة هاذي نوع من الذهب تنلبس على الراس ولها مثل الجدايل تجي على كتوف وظهرالعروس منسدله للأسفل وعقب ماخلصنا لبس الذهب لبسني عقد الفل وانا كمان لبسته عقد فل اخر وماقصرت طيحت عقاله وكمان جابوا لنا كاسين عصير فيمتوا وشربنا منها وعقبها هو طلع من عندي راح عند الرجال وانا زفوني لمكان المخصص لجلوس العروسة كان فيه كرسي مزخرف مصنوع من الخشب ومزخرف مخصص للعرايس يجلسون عليه وهو مرتفع شوي بحيث انها تشوف كل البنات اللي يرقصون وكل الحاضرين المهم هاذاك اليوم تعبت امي الله يرحمها كل شوي وانا تاركه الكرسي ورايحة مع صديقاتي بالحوش جالسة العب واسولف معاهم وهي كل شوية وتدور وراي وينك فضحتينا المعازيم يسألون عنك وتمسكني وترجعني لمكان الحفل واجلس شوية واتسحب واترك المكان واتسحب وارجع لصديقاتي فالينها شاي وقهوة ومكسرات وامي كل شويةتدورني مرة هي ومرة أختي الكبيرة مساكين عذبتهم معاي هذاك اليوم طفشت وآخر شئ قلت لأختي وش فيكم ترى ماصار عرس هذا خلوني اجلس مع صاحباتي بسولف معاهم قالت لي الحريم يسألون عنك قلت لها قولي لهم اي شئ انا نايمة او في الحمام او رحت مشوار دبري نفسك وتركتني وراحت وشوية إلا وامي جاية لي ومعصبة ورحت معاها وانا اقول في نفسي وش ذا العرس اللي مايخلونك تاخذ راحتك فيه المهم انتهى العرس ورحت مع زوجي اول ليلة طبعا ملكنا قبل العرس بيومين فكنت ماخذه عليه شويه وماكنت استحي او اخجل منه بما انه ولد عمي بس كان له فترة مسافر عننا ولمارجع قرر يتزوج طبعا الوالد الله يرحمه كان من وانا صغيرة معطيه كلمه اني انا له وانه خلاص زوجتك عندي جاهزة والولد ماصدق فاتمسك بكلمة ابوي وتوظف وسافر وغاب فترة طويلة عن اهله علشان كان خايف لايرجع لأهله ويصممون عليه يتزوج وهو ماله رغبة بالزواج إلا عند ابويه وكان لو زارهم كان مايطول عندهم علشان مايطرون له الزواج وكمان عند امه علم وخبر إنه مايبغى يتزوج إلاعند عمه بس ابوه كان معترض علشان يقول بنت عمك صغيرة ولحد متى بتنتظرها بس امه عادي كان يرسل لها بهدايا وهو في منطقة ثانية من ساعات وحلق وعقود ذهب وفساتين كان يقول لها اعطيها لفلانه وهي ماتقصر تجيبها وتعطيني وتقول هاذي من فلان خطيبك ارسلها لك ويسأل امه كم صار عمرها الحين بأي صف تدرس وامه ماتقصر تعطيه المعلومات ولما جاء حرب الكويت جاء للوالد زيارة ويودعه وقال لأبويه ياعم انا مسافر ولو سمح الله وصار عليه شئ سامحني وزوج بنتك وإن الله وفقنا وانتصرنا ورجعنا بخير إن شاء الله نتمم الزواج بعد ما ارجع لأن ابويه كان يبغى يتم زواجنا قبل ماهو يروح للحرب خلال اسبوع قال له املك لك الحين وادخل على زوجتك والله يوفقك بس هو رفض ومارضي وقال اخاف يصير فيني شئ لاسمح الله واظلم البنت معاي واعلقها فيني وبعدين لو صار لي شئ هي نفسيتها تتعب فخلينا كذا احسن الين بعد ماننتهي من تحرير الكويت والحمدالله تم الزواج بعد مارجع من الحرب مباشرة اخذ اجازة شهر وتزوجنا طبعا هو بطبعه مرح وبشوش وكان يسايرني وياخذني على قد عقلي وكان حتى اهلي يعترضون على طريقة تعامله معاي ويقولون له شد عليها انت دلعتها بزيادة المهم اول ليلة قضيتها عنده كانت كلها حصص رياضيات وقراءة وعلوم كان كل ماقال كلام حلو ورومنسي انا ماكنت اعيره اي إهتمام يقول احبك اقول له ادري يقول هذا اليوم احسن يوم عندي اقول له طيب اهم شئ انه احسن يوم يقول لي وش شعورك اقول له والله ان عليه واجبات للمدرسة مالحقت احلها وكلها صعبة لأن يوم زواجنا كان بعطلة الأسبوع وكان وقتها مافيه إجازة مدارس كنا ندرس وهو ما اعطوه إجازة إلا وكانت المدرسة باقي ماعطلت تزوجنا في وقت الدراسة كان يقولىلس ماعليه انا اساعدك واحلها معاك اقول له لا المعلمه تعرف خط يدي واخاف خط يدك مو مثل كتابتي قلت له يالله خلني اجيب الشنطة والكتب وابغى اشوف كتابتك هي تشبه لكتابتي ولا لا قال لا بدون ماتطلعين برى الغرفة عندي قلم وورقة اكتب لك فيها وشوفي كتابتي بعد جهد اقتنعت وراح فتح شنطة ملابسة يوم فتحها يدور ورى القلم وإن انا اشوف بزته العسكرية وسألته عنها قال هاذي البسها في العمل قلت له اشوف يالله بشوف كيف تلبسها قال ماتبغين اكتب لك تشوفين خطي قلت له لا خلاص خلها راح ولبس البدلة ولبس الجزمة وانتي بكرامة وجلس يعلمني وشلون يستعرضون وكيف يتم تدريبهم وقال لي عن الحرب اللي خاضوها وايش الأشياء اللي شافها هناك وطلع لي الأوسمة والميداليات والشهادات اللي حاز عليها بعد انتهاء الحرب وجلس يحكي لي عن كل شئ صار معاهم وقام يوريني بوك الصور اللي متصورها وهو مع المعدات العسكرية ويشرح لي دور ووظيفة كل معدة لحالها وأذن الفجر واحنى نسولف وكان ختام سوالفنا بالمدرسة اللي انا ادرس فيها وعقبها توضينا وصلينا ونمنا وماصحينا إلا صلاة الظهر وهم يطرقون علينا الباب جايبين لنا الغداء طبعا نمت بالفستان طبعا امه موصيته عليه من قبل وانا سامعتها والله بإذني كنت داخل الغرفة وهي اللي جابتني للغرفة وطلعت برى ونادت عليه وسمعتها تقول له هاذي بنت عمك ولا تقسى عليها ترى باقي طفله وصغيرة وعاملها بالحسنى وهي الحين زوجتك ولا تستعجل عليها بشئ ولا تغصبها على شئ هي ماتبغاه وعمك اعطاك هي امانة عندك فصونها ولا تزعلها وعاملها بما يرضي الله وكون صديق لها قبل ماتكون زوجها ولو قصرت بشئ معاك لاتنسى صغر سنها وجهلها بأمور الزواج ودعت له بالتوفيق وراحت من عندنا الله يحفظها عاد والله هو طيب وكان يعاملني معامله طيبة الين تحقق له اللي يريده والحمدالله تمت الأمور على خير طبعا من المواقف اللي حصلت كان مخصصين لنا غرفة خاصة في البيت انا وهو على اساس نجلس ناكل مع بعض ونشرب الشاي والقهوة ونسولف وناخذ راحتنا عاد انا اجيب له الأكل واحط له الشاي والقهوة واتركه واروح اجلس مع اخواته وآكل معهم واشرب الشاي عندهم والقهوة وافلها معاهم وهو اخليه بالغرفة لحاله ولا زيادة اروح اسهر معاهم عند بنات جيرانهم ولا من صغر عقلي كان كل ماقالوا زوجك كنا نبغى نزوجه بالبنت الفلانية بس هو رفض على طول اقول لهم اليلة بنروح نسير عليهم بشوف البنت هاذي كيف شكلها ونروح لهم نزورهم البنات يسولفون وانا عيوني معلقة بالبنت هاذيك اطالعها من راسها لأخمص قدميها وارجع للبيت لو حصلته نايم ارجع انام مع اخواته في غرفتهم واتركه لحاله هذا طبعا في بداية ايام الزواج وكل ماجائو نساء يباركون لأم زوجي بعرس ولدها انا اتركه واروح ارتز معاهم واسولف وهم كبيرات في السن يقول ليىاجلسي عندي خلينا نسولف اقول له طيب عيب اخلي الحريم لحالهم يقول امي عندهم اقول له لا عيب لازم انا اجلس معاهم حتى يروحون كلهم ومرة اذكر قال لي يالله نروح نتمشى المزارع اللي في الوادي عندنا ونغير جو نروح مشي على رجولنا المهم هو يبغى يمسك يدي ونمشي ونسولف مع بعض انا اقول له عيب وخر يدك انت ماتستحي على وجهك كان يضحك ويقول انتي زوجتي مافيها شئ وكنا نروح نمشي على اقدامنا ولما وصلنا للمزارع وتمشينا وشفت الأبار والخضار والفاكهة قال خلينا نجلس شوية نسولف تحت احدى النخيل وكان فيه مجموعة نساء يتمشون بالوادي شفتهم وعرفتهم وقلت له بروح اسلم عليهم قال خلاص روحي وارجعي لا تتأخرين قلت طيب ابشر واروح اتمشى معاهم واسولف ونسيت روحت معاهم للقرية وتركت زوجي تحت النخله ينتظرني ولما جيت للبيت سألتني ام زوجي فين فلان مو معاك قلت لها يوه والله نسيتو تحت النخله جالس لحاله واشيل عبايتي وركض انا واخته ابغى اروح له بس لحسن الحض حصلناه قريب من البيت وكعادته مقابلني بإبتسامه عريضة طبعا الين هنا وتعبت فاصل ونواصل .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
14-12-2012, 05:34 AM
ضوابط المشاركة
العرض الشجري