اغيثوني اعزب وسأتزوج مطلقة
السلام عليكم ورحمة الله وبركاته
اولا دي اول مشاركة ليا هنا ويريت تساعدوننننننننني
بعضكم هيفتكر من العنوان انى عندي مشكلة انى مش موافق علي زواجي من مطلقة لا ابــــدا انا مؤمن ان المطلقة ليها حق الزواج وكل شــي ء
ولكن قبل مدخل فى موضوعي يريت بلاش ردود سلبية
بلاش حد يقولي انت ليه اخترت تخطب مطلقة
ورجااااء بلاش حد معندوش وعي او مش ناضج في السن يرد في الموضوع لانو هيزود الموضوع سووء عليا
وبلاش حد يقولي سبها
مشكلتي
انا شاب 23 سنه "اعــزب"
انا خطبة انسانة مطلقة مدة زواجها القديم سنتين وهي انسانه محترمة جدا واخلاقها فوق فوق كلمة عاليه وذوق جدا وفوق كل ده طيبه جدا بس للاسف الحلو مبيكملش المشكلة انى عارف انها كانت بتحب الانسان الاول ده في بداية حياتها وحربة الناس كلها عشان تتجوزو وفى الاخر محصلش النصيب المهم بعد معرفة القصه دي بعد الخطوبة بفترة حسيت ان كل الكلام اللى كانت بتقولهولي من كلام حب وغيرو كانت بتقولو لزوجها الاول وحسيت انى بضايق اصلا كل مبسمعو ومبقاش طايق اسمعو وبتحجج باي حاجه عشان اقفل معاها في الكلام واقوم وبحس ان كل كلمة بقولها ليها زوجها الاول قلهالها حاسس انى مش بعيش حياتي حاسس انى بعيش حياة زوجها الاول وفوق كل ده مش حاسس انى عايش حياتي مع الانسانه اللي هي ليا انا محدش شاركني فيها
و الكــــــــــارثة ان ساعات بيجي فى دماغي ووبقى هفركش الخطوبة اول ما يجيي في بالي ان زوجها الاول كان لي حق الجماع معاها ليل نهـار بحس وقتها ان اعصابي مدمره وعايز اقفل كل المواضيع معاها ووبقى مش طايق اسمع صوتهــــــا ناس كتير هتقولي حرام عليك مش زمبها بس ياريت تشفعولي بان فى حاجه اسمها غيرة ذكورية واعتقد الغيره دي مدمراني نفسيا
وغير كده بحس انى مضايق جدا وكاني بشوف ف دماغي مشاهد مع زوجها الاول وساعات نبقى خارجين مثلا واهلها موجودين بفضل حاسس ان زوجها الاول هو كان موجود معاهم في نفس المكان
بجد حاسس ان زوجها الاول ده شبح بيطاردني في دماغي خايف اظلمها وهي متستحقش مني كده وهي انسانه مشفتش منها حاجة واحشة وكل مفكر ابعد عنها في وقت مانا بكون بفتكر الحاجات دي بهدا شوية وبرجع اقول لا حرام هي مفهاش حاجه تتعيب وهبقى انا بفتري عليها بالباطل بجد مش عارف اعمـل ايـه يريت حد يفدني ويديني حلول لان فعلا انا تعبـان جدا وربنا يعلم بالي فيا ولا بقيت عارف اركز في شغل ولا فى حاجة ومشكلتي الكبيره فى قصة ان زوجها الاول كان لي حق لمسها فى اى وقت هو عايزو ودي اكتر حاجه مجنناني
التعديل الأخير تم بواسطة اياد عصام ; 22-12-2012 الساعة 05:48 PM
22-12-2012, 05:40 PM
ضوابط المشاركة
العرض الشجري