الطلالالالاق والردووووود السريعه..اذا سمحتم
السلام عليكم رحمه الله وبركاته،،،
اخوتي الكرام ،،،اعضاء ومشرفين المنتدى،،،
احزنني كثيييييييير ردود بعض الاعضاء والمشرفين ومن لهم كلمه مسموعه وموثوقه لدى الاعضاء
شيء حلو نرد ونبدي رأينا بالمواضيع والمشاكل ...بس انقلب الحال والكل اصبح ينصح بالطلاق!!!
يعني راحت احدى اهداف هالمنتدى باصلاح حال المتزوجين !!!!وصار الهدف الوحيد نشر الطلاق بالمجتمع!!!
اتفاجأت بالكم الهائل من الردود لجميع المشاكل الي طرحت بالمنتدى والكل يحث على الطلاق!!!
انا زعلانه من زوجي ...اطلبي الطلاق!!!
انا مو مرتاح مع زوجتي ...طلقها وارتاح وعيش حياتك!!!
ليش ؟؟؟قلت الحلول؟؟؟ رغم ان المنتدى مليء بالأفكارالطيبة الي تملىء الحياه الزوجيه بالسعاده طول العمر...
انزين ليش نخلي الطلاق كلمه سهله باقلامنا؟؟؟واحنا عارفين انها ابغض الحلال عند الله!!!
مافكرنا هالكلمة البسيطه الي من خمس احرف ممكن تدمر مجتمع بحاله لو انتشرت؟؟؟؟؟ خاصة لو كنا احنا السبب فيها!!
مافكرنا بالمرأة كيف راح تتشتت وتتعذب وتنكسر حتى لو كانت غلطانه؟؟؟؟
ما فكرنا بالاطفال الي راح يتشتتون وينحرمون من الاستقرار في بيت واحد .بين ام واب يخافون عليهم؟؟؟؟
ما فكرنا بالزوجه وقت ترجع لأهلها بعد طلاقها وتسأل نفسها هل اهلها راح يستقبلونها مثل قبل ولا لأ؟ كيف راح تكون
معاملتهم لها؟، كيف راح تربي اطفالها بعيداًعن والدهم(ومعروف ان الاولاد اذا كبرو يحتاجون لرجل يرعاهم و يربيهم)؟
هل راح يتكفل بمصاريفهم وهي ببيت أهلها (احياناً الرجل مايصرف على اطفاله وزوجته بالشكل المطلوب وهم عنده
فما بالك وهم بعيد)هل نظرت الناس لها راح تكون مثل قبل؟؟؟كيف راح تكون نفسية اطفالها ساعه يشوفون ابوهم متزوج وعنده
اطفال ويرعاهم ويعيش معهم ببيت واحد وهم لا؟؟؟
خلونا واقعيين!!
مافكرو انه اكثر البيوت مليئه بالبنات !!!وانه البنات صارو يرضون برجل متزوج وكبير بالسن وتنازلو اكثر وصارو يوافقون على
الزواج المسيار!!اذا كيف راح يكون حظ المطلقة ؟؟؟....او كيف حيكون حظها ومعها (تبع)اطفالها؟؟؟...
مافكرو الاخوان بهالكلام كله لأنه اكيد لو فكرو زين مااعتقد راح يستسهلونها بهالشكل ..
وقفه صادقة...
خلونا نقف وقفه صادقة مع انفسنا ونحاسب على ردودنا خوفاً من كلمةصغيره قد تشتت اسرة...
اللهم بلغت اللهم أشهد...
12-10-2003, 03:08 PM
ضوابط المشاركة
العرض الشجري