رد : مارايكم بالموقف اللي.حصل((مستجدات في الرد 30))
ماشاء الله تبارك الله
اختي الغالية الف مبروك واسأل الله ان يتمم لك على خير ويوفقك ويسعدك في حياتك المقبلة يارب وان يكون ذلك الرجل وجهه وجه خير عليك وعلى اولادك يارب
وحابة اقول لك انه الواحد موضروري ترتاح له بالشكل انا عن نفسي ما اقيس الناس بأشكالها دائما اقول ان المعرفة الحقيقية لشخص تكون عن طريق العشرة والإحتكاك بالشخص هو اللي يبين معدن الإنسان وهل هو طيب ام لا
لاكن زوجي عكسي تماما دائما اذا اتاهم قائد جديد في وحدتهم يقول لي اليوم جانا قائد جديد والله شكله مايريح ولا يطمن
اقول له اصبر شوية اعطي الإنسان هذا فرصة وشوف كيف معدنه يقول والله يوصفونه كذا وكذا اقول ل لاتصدق اللي ينقال الين تشوف بعينك هالشيئ وسبحان الله عقب شهر او شهرين آلاقيه يمدح بالشخص هذا ويرفعه لسماء ويقول ماعمره جانا قائد مثله وياليته مايروح من عندنا والمهم خلاص يتغير عنه كلامه 180 درجة فالحقيقة مانحكم على الأشخاص من اشكالها لاكن من خلالىالعشرة والإحتكاك بهم يبين معدنهم
وانتي ان شاء الله مع الوقت راح تتعرفين عليه اكثر وتعرفين شخصيته عن كثب بإذن الله تعالى
بالنسبة لموضوع اولادك نصيحتي لك لا تتخلين عنهم ابدا وليكون شرطك موثق في عقد الزواج انهم يكونون معاك
لأن ابنائك مازالوا صغار وبحاجة الى رعايتك واهتمامك ومهما كان امك ماراح توفر لهم الحنان والرعاية اللي هم يحتاجونها منك انتي كأم لا بأس من تركهم عند أمك لفترة من بعد الزواج وبعدين جيبيهم عندك لبيتك يكونون تحت نظرك خذي لك وقت وانتم توكم عرسان جداد على بيل ما تتعرفون على بعض اكثر وبعدين جيبي اولادك عندك
ونصيحة لك لا تتخلين عن اولادك مهما كان الثمن
لأنه مثلا لاقدر الله وسمح الله وفشل الزواج الثاني بتخسرين اولادك لأنه حتى لو رجعتي لهم راح يبقى في نفوسهم اثر لتخليك عنهم وتركهم عند جدتهم هم انحرموا من ابوهم وكمان راح ينحرمون منك لو تزوجتي وتركتيهم وهم جلسوا عند جدتهم
وخوالهم مو دايما بيكونوا معاهم وعينهم عليهم مهما يكون راس مالك ومكسبك من هالدنيا اطفالك فلا تتركينهم خليك قريبة منهم ولا تتنازلين عن طلبك اتفقي مع امك واخوانك انه اولادك متى مابغيتيهم تاخذينهم عندك و فهميهم انه هذا شرط اساسي لإتمام الزواج من ذلك الرجل
وعندي ملاحظة صغيرة واتمنى ان تتقبليها بصدر رحب ويشهد الله اني لم اقولها لك لجرحك او لتقليل من شأنك
ولاكن لتنبيهك على شئ انتي واقعة فيه من بداية زواجك الأول
وهو تدخل امك واخوانك في حياتك وسيطرتهم عليك سيطرة تامة وكأنه ماعندك شخصية تفرضين رأيك فيها وتقولين نعم للحق ولا للباطل اشوف انهم هم راسمين لك خريطة وانتي جالسة تتبعين كل الطرق اللي يضعونها لك على الخريطة اللي رسموها لك يعني بمفهوم اوضح ارى انهم هم اللي متحكمين في كل شئ نيابة عنك وانتي مهمشة واذا ماطعتي لهم ولا سمعتي كلامهم هزئوك وتكلموا عليك وتصرفوا كما يحلوا لهم
انتي لماذا لايكون لك موقف مع تصرفاتهم ليش ما تتكلمين ويكون لك رأي وتناقشيهم في كلةشئ يخصك ليش تخلين كل شئ بيدهم ترى هالأسلوب بيدمرك لو استمر على ذلك
وهم لو ماحاسين بخوفك منهم وضعفك كان ماتمادوا عليك ولاةتدخلوا بحياتك ولا فرضوا رأيهم عليك انتبهي لنفسك زين ممكن تكون تصرفاتهم نابعة من خوفهم عليك ومن اجل مصلحتك لاكن في نفس الوقت جارحة لك ومدمرة لنفسيتك وشخصيتك حتى لو تلاحظي من خلال كل شئ تكتبينه هنا امي قالت وامي سوت اخوي قال وقال ليش انتي وين رأيك وين كلمتك بالموضوع اللي يمس حياتك ومستقبلك لازم يكون لك حرية في الرأي ويجر عليهم سماعها وينفذون الشئ اللي يريحك ويسعدك في حياتك مو تسلمينهم الخيط والمخيط وهم يسون اللي يعجبهم والقرار اللي يريحهم وانتي كمان حاولي قدر المستطاع انه مشاكلك الزوجية ماتطلع لهم وانه مو ضروري الأهل يعرفون كل صغيرة وكبيرة بحياتك الزوجية لأن هذا الشئ هو اللي يخليهم يتدخلون بحياتك ويتصرفون باللي يعجبهم
الأهل مايتدخلون بحياة بنتهم المتزوجة إلا في الحالات اللي تستدعي انهم يتدخلون فيها ولو تدخلوا يكون بالحسنى مو لخراب البيوت وتدميرها بدعوى الإصلاح احيان قد نقع نحن الزوجات في اخطاء وهي من اول ماتصير مشكلة تجد الزوجة فارطه السبحه كلها عند اهلها واهلها اكيد بيتدخلون في السالفة وتصير حساسية بينهم وبين زوج بنتهم يمكن بساعة غضب الزوج يتلفظ بلفظ غير طيب على اهل زوجته او هم الأهل يتلفظون على الزوج بلفظ مايعجبه وكل واحد فيهم يحطها في داخله وفي نفسه ويمكن ماينساها لطرف الثاني ويبتدي يفسر المواقف اللي تصير له مع اهل زوجته او العكس بتفسيرات وتحليلات بناء على اللي في داخله مسبقا ويبتدي بينهم الكره والحساسية وحياة الزوجة تكون تعاسة لا اهلها يبغون زوجها ولا زوجها يبغى اهلها وكل واحد فيهم يتيقن الفرصة لظفر بخصمه والضحية الزوجة وهي تكون السبب في البداية ولا فيه مشاكل نقدر نحلها وامرها بسيط مو اي خلاف نشكي الحال لأهالينا او انا نترك لهم مجال يتدخلون بكل شئ يخصنا ويعاملونا كأنا غير اسوياء ويفرضون وصايتهم علينا كالأطفال الصغار لكل شئ حدود اهلي نعم على عيني وراسي ماقلنا شيئ وهم سندي وعوني بعد الله عز وجل وقت الشدايد
لاكن مو بكل كبيرة وصغيرة يتدخلون ويفرضون رأيهم عليه سوى كان صحيح او خاطئ لأنه بالنهاية انا اللي بخسر كل شئ بسبب سكوتي ومسايرتي لهم .
أتمنى ان كلامي مايضايقك وانا بتكلم مو لك لوحدك كلامي موجه لكل زوجه تسكت عن حقها وما تطالب فيه ولا تفرض رأيها بالشئ اللي يخص حياتها ومستقبلها وتسلم مصيرها بيد غيرها حتى وان كانوا الأهل لأنه الأهل قد يصيبون ويخطئون وهم بشر وليسوا معصومين عن الخطاء قد يتخذون قرارات تدمر حياة بنتهم وتعصف بها وتتعبها نفسيا دون ادراك لما يعملونه من اخطاء .
واخيرا اتمنى لك حياة سعيدة واسأل الله ان يوفقك ويسعدك ويكتب لك الخير اين ماكان ويرزقك ما تتمناه نفسك ويبارك لك في ذلك الزوج ان كتبه الله لك ويجعله الله لك قرة عين وجعلك له قرة عين اللهم آمين يارب .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
التعديل الأخير تم بواسطة أم سلطان1 ; 19-02-2013 الساعة 09:02 AM
19-02-2013, 08:56 AM
ضوابط المشاركة
العرض الشجري