هذا الشاب وقح .. أحذري منه ولا تشوشي على نفسك وتخلي الشيطان يوسوس لك وتحسبين انه هذا هو الحب ... على أي أساس حبك؟؟ الحب ما يكون إلا بعد عشرة ..

أما الإعجاب بالشكل فهذا ما يدوم ...

وبعدين الحب بدون احترام شو فائدته؟؟؟؟

انتبهي منه يا مجاهده وادعي الله يبعده عنك ..

لأنه واضح انه ما يحترمك ..

ولو فعلا يريدك زوجة له بيحترمك ويخليك في حالك وما يستغل وضعك ... يكلمك وإنتي على ذمة رجل لا ويقول لك بتكونين مطلقة ؤما حد بيرضى فيك .. يعني أشكري ربك ووافقي .. يعايرك ويمن عليك من الحينه .. الله أكبر!!

الكلام اللي قاله يعتبر إهانه لك ... أصلا مجرد انه فكر يكلمك وإنتي على ذمة رجل هذا بحد ذاته فيه إهانه لك ...

هو لو فعلا معجب فيكي وهو شاب كويس وما يتعوض ما بيكلمك أبدا .. وخاصه انه على علم بموضوع طلاقك .. بينتظر لين يخلص موضوعك ويدق بابكم مثل أي إنسان طبيعي ... لكن هو يلاحقك من الحين .. يريدك تتعلقي فيه وما تشوفي عيوبه ..

وبعدين انتي تأخذي وتعطي معاه ليش؟؟أنا مخطوبه ... وأنا على ذمة رجل .. وموضوع الطلاق ما خلص و و ... و ... و..ياحبيبتي مافي داعي تقولين له أي شيء... ولا تعطي تفاصيل موضوعك لأي حد إلا عائلتك إذا احتجتي تفضفضي .. لأنه واضح في نقل للكلام صاير .. هو من وين قاعد يجيب أخبارك؟؟

وأرسل لك خالته ما أدري أخته .. هذا بعد ما تنخطبي وألا قبل؟

.انتبهي منهم ولا تطلعي من الدوام لوحدك عشان ما تعطيه فرصه يلاحقك .. أو غيري موعد طلوعك شوي عشان ما يحصلك ..


لا تطلعي من حفرة وتقفزي في بئر ...

زوجك الحالي .. صدقيني معاناه إجراءات الطلاق سنة .. أهون من معاناة العيش مع إنسان مثله طول العمر ..



الله يعوضك ويسعدك ويوفقك ويبعد عنك كل سوء ...