:*
اصبحت أمضي معظم وقتي أبكي
مدري حزن وإلا خيبة أمل وإلا شعور بإني كنت أزرع في أرض بور
ماوفرت شيء من الجهد إلا وسويته حتى خادمة تريحني ماجبت
عشان أخدمه بنفسي وأقوم بواجباته واستشعر لذة حبي له من خلال
خدمته

بس طلع مايستاهل وطلعت المغفلة إلي أفنت صحتها ورآحتها وسعادتها
عشان ترضي من لايهمه إلا نفسه

لا أطلع ولا أدخل ولاكونت صداقات وحتى صديقاتي القدامى أنقطعت
عنهم عشان سي السيد يرفض هالأمر ويبغى يرجع ويلقاني أنتظره
وقلت يابنت مو مشكلة عشان عين تكرم مدينة وهمشت كل البشر لرضاه

ماوفرت من أسباب الرآحة سبب ومافعلته وش قدم لي إلا حمل فوق حمل
وهم فوق هم
عيشني طعم الوحدة والأغتراب وأنا بوسط وطني وبين أهلي
علمني كيف أكون عبء على أهلي وزوجي موجود
خلاني أحس إني مجرد شيء لأمر معين والباقي مني لاشيء

11 سنة اتمنى بيوم نجلس زي باقي الأزواج نتحدث ونخطط
لحياتنا ونعبر عن مشاعرنا ونتكلم عن أسرارنا لبعض

خلاني أعاشر الصمت وأنام مع الصمت وأكل مع الصمت
حتى الثناء والغزل لا اسمعها وكأني تزوجت نفسي من زمااان
ونفسي ترفض تدليلي ورعايتي


وضعت على قلبي صخرة وألغيت عاطفتي وقلت يابنت هالثلاثة
يستاهلون التضحية
وأعتبريه بمثابة ظل ...وسبب لوجود بيت مستقل فيك وفي أولادك
فالأهل مايدومون ..والحياة بلا رجل صعبه وبلا أب أصعب

وكنت أقول شوفي مصايب غيرك ياسيدة وتهوون عليك مصيبتك
بس صعب أعيش وأنا أضغط وأضغط على الإنسانة إلي بداخلي
إلي محتاجه للحظة شفافيه وصدق منه

صعب أعيش وكل يوم ينهدم بداخلي صرح بنيته له
صعب أعيش وأنا أحاول إصلاح ما أفسده الدهر فيه
صعب أبني وهو يهدم



صرت أنام وأصحى وأنا أبغى أطلع من حياته وأتركه
يمكن يلاقي وحدة تقدر تستوعبه وتتحمله ويحبها
ويحب ذريتها

أبغى أعيش بسلام مع أولادي
هذا إلي أبغاه
ماعاد أقدر أربي مراهق على مشارف الأربعين
كافي على هم تربية أولادي وتهذيب نفسي
من ذنوب هالدنيا
صرت أخاف أقصر معاه فيغضب ربي فأصير لاحصلت لا الدنيا ولا الآخرة
لذلك البعد أسلم على الأقل أكسب آخرتي

__________________