قلبي معك يالحبيبة ... اسندي راسك على كتف الغالية ونزلي دموعك اغسلي فيهم حزنك .
وان سألتك مالك .. قوليلها اشتقت لك حبيبتي

رحمة الله عليها والدتي ما كانت بوقت أزمتي ... لكن صدقيني يا سيدة وعن تجربة أقول لك احتسبي وتوكلي على الكريم وان شاء الله بتطلع عائلتك من هالزلزال أقوى من قبل .. وهالهزة هي قدر ربنا اللي ساقه لك عشان يصحى زوجك ويتعدل .

بكره حبيبتي بتشوفي كيف زوجك رايح يتغير . وبتسمعي صوته بمثل هالوقت لما يأذن العشا وهو ينادي ولدكم يللا يبا تعال معي المسجد .

ماني قاعده احلم سيدة .. لأ .. بكره تشوفي كيف يصير يتحين الفرصة عشان يحاورك ويكلمك من بعد الصمت .. تحسي فيه يحاول يكفر عن ذنبه حتى بعد ما غفرتي له .. أقول لك هذا مو حلم ولا تمني .. هذا اللي صار معي .

صحيح في غيري شافوا تشابه بينه وبين أزواجهم بنواحي معينه .. ويمكن معاهم حق .. لكني اشوف ناحيتي أنا كمان وأشوف طيبته وتمسكه فيك وبأولادكم

لا تحزني ولا تخافي .. ما تشد إلا عشان تفرج .. وما بعد الضيق إلا الفرج ..

وأمر المؤمن كله خير .. وَلَيْسَ ذَلِكَ لأَحَدٍ إِلا لِلْمُؤْمِنِ إِنْ أَصَابَتْهُ سَرَّاءُ فَشَكَرَ فَكَانَ خَيْرًا ، وَإِنْ أَصَابَتْهُ ضَرَّاءُ فَصَبَرَ ، كَانَ خَيْرًا " .

__________________