زوجي بخيل(( مستجدات في الرد 55 )) - منتدى عالم الأسرة والمجتمع

22-05-2013, 12:15 AM

#11

3sh8th

عضو مثالي

تاريخ التسجيل: Nov 2012

المشاركات: 334

رد : زوجي بخيل

اقتباس:

المشاركة الأصلية كتبت بواسطة الهدوء عنواني

في اشياء ياختي ولا ابن امه يقدر يحس فيها , في مرات تقابل اشخاص تحس بنفور اتجاههم واذا جا احد كلمك عن هالشخص ويمدح فيه , انت بداخلك مو مقتنع فيه وتقول بينك وبين نفسك ماطيقه او بمعنى اصح ماهضمته وايش السبب ماتدرين , كذا سبحان الله تحس بنفور منه يامن هيئته يا من ملامحه وماتقدر تقول لاحد عن هالاحساس لان مافي سبب معين تقدر توصفه

انتي نفس الحاله عايشه مع خطيبك الحين , من اسلوبه معك ورده لك يدخلك باحاسيس تضايقك منه وتزعلك ولما تحاولي توصفي سبب زعلك وضيقتك الاغلب يشوفها تافهه او انه ماسوا شي غلط , لان ماتوصلت لنا فكرة هالاحساس الي عايشته , اللهم انك وصلتي لنا الشي الظاهري والواضح بالمشكله ككل , مثل مزاجيته , لها الف حل وحل بامكاننا نقولك سايسيه , اتدلعي عليه , اتقبلي طبعه الخ..

بس بداخلك احاسيس اكبر من هالشي , مثل موضوع المصوره والكل يقول عادي ومو بخيل وانتي بمهرك تسوي كل شي
بس من داخلك ليه مايساعدك ليه مايعيشك فرحتك وليه مايغير اسلوبه المزاجي من اجلي وا وا وا

الي بوصلك له انه محد يقدر يوصلك لحل مضمون , ودائم يقولك فهم السؤال نص الاجابه
وماتقدري انتي توصلي لنا احساسك مهما حاولتي وبسبب هالشي محد يقدر يفيدك الا بنسبه بسيطه

بس كل الي اقدر اقوله لك ياختي , الي بداخلك حاولي قد ماتقدري تحرقيه بوقتها لاتخلي شي يتراكم عليك
اليوم انتي وهو بخصام وبكره ماتدرين لاسمح الله واحد فيكم تحت التراب بقبره وتتندمي على كل كلمه ضايقتيه فيها

على قولتهم فكيها شويا وعيشي الحياه والي مايعجبك ارميه ورا ظهرك

واليوم انتي مضايقك مزاجيته وبكره بيجيك امر اخر يضايقك وتشوفي مزاجيته ولاشي بالنسبه للمشكله
وعلى هالمنوال عايشين , وكل مازاد راتبنا زادت مصروفاتنا وهذي طبيعة الحياه , وليه ننصدم بكل مشكله ومشكله ,خلينا مرنين ونرمي مشاكلنا ورا ظهرنا ونتيقن انه بيجينا الاسوء والاسوء

سبحان الله كانه دخلت قلبي وعرفت وش فيه ، الله يجزاگ بالجنه
بس ليه انا اعططي م اطلع الغلطه مني الا بالنادر وارجع ابين له ، ليه هوه م يرد لي اللي اسويه له اهتمامي فيه واهتمامي فيني قدامه اسلوبي شخصيتي اسلوبي مع اهله احترامي لهم كلهم ،
ليه م يردها لي يحاول يضغط عع نفسه عشاني !!
معقوله الطيبه الزايده تخليه م يبالي فيني ، م احب اقارن انا ! بس لمن اشوف بنات خالاتي واساليبهم مع ازواجهم وكلامهم عكسي تماما انا معاه اتكلم بدلع وبحياء كمان ، هما احسهم باردين ومع هذا م يرفضون لهم طلب صارو يبون حاجه موب بااساله واشوف خلاص بااخذها عارفه انه م يقول لهم لا غير الاشيا اللي بملكتهم وطلباتهم ، الله يهنيهم م احسدهم ولا اقارن وكلن ونصيبه ، بس انا احسن منهم بالاسلوب وبالجمال ، يعني المفروض اكون بنفس عيشتهم ، م ابي اجحده صح فيه ايام حلوه قضيتها معاه ،
بس يبين لي انه لو طلبتي شي مافيه ، ولا مثلا يقول الميزانيه م تسمح اصير حتئ م ابين له انه م عندي رصيد عشان م يشحن لي احس يطلع منه الشي بالزور ، مدري هوه اسلوبي انه طيبه بزايده كذا مقابلها ولا شو ، والله احاول اجلس معهم ابي اشوف هما ايش يسون زياده عني للككل مافيه شششي ، مدري وش هوه السسر بالموضوع ، بعض الاوقات اقول معقوله لو تزوج غيري يكون احسن من هو معاي بيقدر كل شي تسويه له يغير من طبعه عشانها ، ولا هداياه م بتقطع عنها ،
مدري هي غلطتي ولا شو

اذا اسلوبي هوه يقووول عاجبني مافيه احسن منك طيب كل شي انا عاجبته ، وترا انا معاه موب مرا مطيحه الميانه ولا شاده يعني لا افراط ولا تفريط ،

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه