أخوي ساري ..

صح إني ما عمري زعلت من زوجي و رحت بيت أهلي ..
لكن تعرف إيش السبب ؟

قبل لا أتزوج ، سمعت بالصدفة .. نصيحة من أعز صحباتي و اللي أثق بحكمتهم ..
قالت ( الوحدة إذا زعلت من زوجها ، ما تروح بيت أهلها أبداً )

ربي سخرها لي و الحمد لله ..
و لا كان ممكن أعمل مثل زوجتك في بداية حياتي الزوجية ..

لكن ما يمنع إنه كانت عندنا أغلاط ..
و زوجي استحملني ، و استحملته ..

و قلت له طلقني ، لكن مو من قلبي ..
* جهل *

.
.

مشكلتكم إنتوا الرجال .. تسمعوا الكلمة من المرأة وقت غضبها ( و تاخدوا الكلمة بحذافيرها )
بدون ما تقرأوا ( ما تحمله من معنى ) ..

هي لما تقول لك ( الله يوفقك مع وحدة تسعدك )
ترى أسمح لي ( عقلها صغير .. و غباء منها )

لكنها لا تدرك ذلك ..

هي تبغى تتغلى بالطريقة هذه عليك ،.

.
.

و المرأة بشكل عام ( ذكية .. أو ممكن نقول - ماكرة ) ..

ما تتغلى على زوجها و تقول له ( طلقني ) ..
إلا و هي ( ضامنة ) ، إنه ( ما راح يطلقها ) ..

.
.

و هي ما قالت كلماتها تلك
( إلا و هي ضامنتك مليون بالمية إنك ما راح تستغنى عنها ، لثقتها الكبيرة بالمشاعر اللي بينكم )

.
.

زوجتك بحاجة إلى إنها تتثقف أكثر بالحياة الزوجية ، و الشي هذا ( لا بالكتب ، و لا بالصحف ، و لا بالنت )
لكن مع ( تجاربها بالحياة -----> معك إنت ) ..

.
.

و إنت أعطيتها أول درس بالحياة الزوجية .. تووووك بديت بحرف ( الألف ) ..
أول كان مجرد كلام .. لكن إنت الآن أظهرت لها - قول + فعل - ..
و المرة الجاية ، و يارب ما يكون فيه مرة جاية .. راح تنتقل للمرحلة الي تليها ..

.
.


( ألف ) ..

أول درس إنت علمتها هو ..

.
.

و ما شاء الله ، لاحظت إنه عندك ( والد ) حكيم ..
و هي تفتقر للشي هذا ..

و عندك أيضاً أم عاقلة ، و هي كذلك تفتقر للشي هذا ..

و أخيراً ، إنت ( هنا ) مع ناس ينصحوك و يوجهوك ..
و هي تفتقر للشي هذا ..

.
.

كن إنت المعلم ، و الموجه ، و الدليل ( لها ) ..

.
.

قوم صلي ركعتين و استخير .. و اتصل عليها ..
أو على بيت أهلها ، أو جوال أبوها ( و اطلب إنك تكلمها ) ..

هي ما راح تتوقع اتصالك أبداً ..
خاصة بعد فترة الجفاء اللي مرت بينكم ..

.
.

و خلي نيتك ( إنك ما تفرح الشيطان ) ..
و وقتها ، إذا هي رفضت أو تعاملت معك بشكل سيئ لا سمح الله ..
( مع إني ما أتوقع إنها راح تكون جافة معك )

وقتها ، إنت تكون عملت اللي عليك ..