السﻻم عليكم ورحمة الله وبركاته
انا عمري 25 وزوجتي عمرها 21
يااخوان لي 6 شهور متزوج
احب زوجتي وتحبني
وبغضون هالست اشهر حصلت مشاكل منها البسيطه ومنها الكبيره
الخلاصه ان زوجتي تدق ع ابوها وتبكي وانا ماعاد ابغاه ومن هالكلام وتدق على امها ونفس الشي وانا اللي مقهور منه اول شي ان مشاكلنا تطلع وثاني شي ابوها وامها اكيد بياخذون مني موقف وانا مابغى هالشي


زي المشكلة اللي خلتني اكتب هالموضوع
اخذت اجازة ثلاثة ايام عشان زوجتي قالت تبغى تتمشى بجده والجنوب وقلت حاضرر مع ان قسم بالله العظيم مافي حسابي اﻻ 2000 ريال وبقى ع الراتب 25 يوم لكن لعيونها كل شي يهون
كنت جالس باحد الكوفيهات اللي بمجمع في جده نستريح
وكنت اسولف مع احد اخوياي وهي اشرت على اسمه بالواتس اب وقالت هذا اللي لعب بالدنيا وانا والله يااخوان غرت وانقهرت وقلت لها وش دخلك فيه وانصدمت وسكتت وبعدها

وبعدها رجعنا نفتح الموضوع وقالت لي انه استهبال وانا مصدقها لكن من غيرتي قلت وش دخلك وهي قالت لي اني اهنتها وانا قلت من قهري وزعلت وقلت مشينا ولين وصلنا البوابه اﻻ وتخليني وترجع للسوق بمنظر قهرني
وكاني وﻻشي عندها ولحقتها وسحبتها مع يدها وقلت امشي ﻻفشلك ورمت علي كﻻم اني بخيل ويوم وصلنا السياره فتحت القزاز ورمت الاغراض اللي شريتها
ودقت ع ابوها وعلمته وامها وعلمتها


يااخوان اشيروو علي ﻻني تعبت منها وبخليها تشوف الموضوع
وانا قررت قرار لها اني اي مشكله تصير حتى انا بقول ﻻمي واخواتي وابوي
عاد فتحت سالفه قدامي ان اختي تحب تفضح وانها قد علمت عنها سالفه كذبيه فقلت لها احترمي اهلي قالت احترمهم واحبها ومن هالكﻻم الترقيعي
بالله وش رايكم فيها

طالع اجازه عشانها وهذي اخرتها
طبعا هذا غير انها قبل شوي رفعت صوتها واقول لها سمعتي جيراننا وﻻعليها فيني