اخوي امين الثاني ..

معاك حق باللي قلته ..
زوجي لما تقدم .. ما كان يعرف اني موظفة و ماكنت اصلا مترسمة .. كنت متخرجة تويي ..
بس لما سالوا عني .. و عرفوا مكان وظيفتي؛ ابوه ارسل اخته تسال عني بمكان عملي ..

قالوا لها ( حنووووووونة جدا و طيبة ) ..
، شافتني اخته حسب كلامهم .. و رجعت سالت مرة تانية و قالولها ( خسارة الصراحة في اخوك و تستاهل افضل منه )

زوجي شده اكثر شي وصف ( حنوووووووونة جدا ) ..
انا استغربت من وصفهم لي بالوصف هذا ههههه ..

بس زوجي كان يعاني وقتها من قسوة اهله .. و اتعلق فيا مرة من يوم الشوفة .. و ماكان مشترط الوظيفة ..

امه الي حطت عينها عالوظيفة و الراتب ..
لما جات تتعرف علينا؛ اختي الي اصغر مني دخلت تسلم عليهم .. لاني كنت شايلة فكرة الزواج ..
بس لما سمعت وقتها انه ( امام مسجد ) انشرحت نفسي و لغيت كل شروطي ..

و هما لما سالوا عني .. قالولهم اني ملتزمة من بين اخواتي كلهم .. فعرفوا يستغلوا النقطة هذه ..
المهم .. امه اول ما جات .. قالت لامي ( فين بنتك الموظفة ) ..طبعا عرفت من امي بعدين ؛ بعد الملكة ..
امي ما قالتلي .. لانها كانت شايفتني ارفض كل مرة .. بس امي كمان فرحت لما سمعت انه امام مسجد ..

للاسف؛ طلع بالاسم فقط .. و ظاهريا ..
بس سبحان الله .. لو ماسمعت وقتها انه امام .. مؤكد 100% اني كنت بأرفضه ..
بس النصيب مكتوب عالجبين ..

.
.

و الحمد لله؛ امه ما طالت مني و لا نص هللة ..
و لا عمرها راح تشوف قرش مني ..

لو انها كويسة معاي .. يفداها الصراحة الراتب و كل شي ..
لكن قلت لكم .. اخر مرة طالبة قرض اقدمه باسمي ..
ليت انها تحتتج الفلوس لشي مهم مرة .. بس مجرد استغلال ..

.
.