الموضوع كله .. كسل + استهتار ..

لكن أنا ما باتهاون بكل الامور ..

مثلا فاتورة المنزل حاليا .. مالي علاقة به ..
بس لو ادري انه بجد مامعاه .. و اشوفه بجد بيشتغل ..
باساعده و اخفف عنه ..

و مرات أشد ..

هو في تحسن نوعا ما ..
وضعه و تحمله للمسئولية حاليا .. افضل نوعا ما من قبل ..

.
.

انا بأصرف على اولادي و اوفر لهم حياة كريمة ..
سواء" بالاكل .. او الشرب او اللبس او الدراسة و الترفيه .. و وجود الشغالة ..
و أأمن مستقبلهم و الحمد لله .. و ادعي لهم دايما ( هذا اكبر امان لهم .. الدعاء لهم )

نفس الوقت .. اعلمهم يتحملوا المسئولية ..
حتى لو ابغى شي .. اخلي ولدي يقوم و يديبه لي .. مو الشغالة ..

و وجود ابوهم ضروري لاستقرارهم النفسي و العاطفي و هو مع اولاده حاليا افضل من زمان ..
زمان ما كان متقبل فكرة انه أصبح أب ..

لكن بيساعدني بتربيتهم و الحمد لله ..

تقصيره المادي ( يغطيه ) اهتمامه بنا .. و انه مايخليني احتاج لأحد غيره ..
يعني هو كفته ترجح .. مقارنة بأزواج اخواتي ..من ناحية الاهتمام المعنوي و مراعاته لمشاعرنا ..
اخواتي يضربوا فيه المثل .. ( بالمشاعر + الحنان + الرومانسيةة) ..

و هو اكثر واحد في ازواج اخواتي .. يحرص على خدمة اهلي لو احتاجوا لشي ..
و يكرمهم لو جوا زاروني ..

مرة كانت معاه 500 ريال .. عزم اخوية و زوج اختي عالعشا ..
و قال هذا كله عشانك ..

فمقارنة بالجانب هذا بينه و بين ازواج اخواتي و ازواج صحباتي ..
كفة زوجي هي اللي ترجح ..

و بصراحة؛ أخاف على زوجي تجيه وظيفة براتب عالي ..
و تكون ( بلاء عليه لا سمح الله ) ..
فيكفيني اني اشوفه يعمل و يشتغل .. و لا يجلس عاطل ؛ لانه الفراغ اعتبره مصيبة للناس اللي مالهم اي اهداف دنيوية و لا اخروية ..

و زوجي عايش بلا هدف .. و باساعده انه يرسم اهدافه ..
و اشغله بأي امر بعض الاحيان ..

.
.

معليه كلامي كثير ..