السلام عليكم ورحمة الله وبركاته
أستغفرك ربي أصعب شعور بالحياة انك تشكي وتفضفض للناس عن امك ولا أبوك.
ماهي شكوة على كثر ماهي أبغى حل
أحدثكم عن شخصية ابي انسان استفزازي يحب ينقل الكلام ينقد كثير هو الصح دائم اذا عصب يمد يده.
يحب يتشمت ما عنده مشكلة حتى بعياله وبناته.
أخبركم بابساط شي والي يخصني شخصياً £صار بيني وبين اخوي الصغير سوء تفاهم طبعاً هذا مقدس عنده امسميه يوسف وحنا إخوان يوسف. الي صار راح اخوي يشكني عنده وقال له ؛:تشوفها ما تزوجت ولا توظفت عشان ما عندها أخلاق. جاء موقف وقال اخوي الكلام الي قال له أبوي عني وكان مستأنس أبوي على كلامه ولا احد سكته. من القهر الي فيني مارديت بيني وبين نفسي كتمتها.
شكيتهم لرب العالمين .ودعيت ربي ينصرني ويخرجني من البيت لانه والله الوضع ماحد يطيقه.
اذا زعل من واحد قام شكاه على الثاني ويقول كلام جارح من ورانا "سبب بيننا فتن وما صرنا نحب بعض كل واحد يشوف اخوه عدوه. حسبنا الله ونعم الوكيل.
ماني قادرة أنسى صح احيانا أسامح واعفوا لوجه الله فقط '0 لكن تجيني لحظه ادعي بحرقه.
أخاف من صوته واذا دخل اجلس ادعي واصلي ربي يكفينا شره ويعدي اليوم على خير.
شكلي صابتني حاله نفسيه اقوم مفزوعه من النوم اذا سمعت صوته أخاف على امي يكون سوء لها شي.
امي إنسانة صبورة جداً ومع كذا يحاول يستفزها0يسب اهلها يدور اي شي عشان يسوي مشكلة.
اشعر انه يستأنس على المشاكل قاعدته بالحياة (فرق تسد)..
تعبنا كثير كرهنا البيت العيال يطلعون بس حنا البنت وش ذنبنا وأمي.
مقهورة نفسي أحضن أبوي وأبكي ترا حنا عيالك ليه تسوي بنا كذا كلام كثير ودي أواجه فيه لكن هيهات.