أخواتي في هذا المنتدى
أنا دخلت و إرتحت لكم و أبغى منكم مساعدة لأني محتاره ما أدري أيش أسوي
أنا فتاه من طبعي هادئه و لا أحب المشاكل أبدا طريقتي في التعامل مع المشاكل دائما التجاهل عشان ما تكبر
فتاه من النوع الذي يجب أن تقتنع بعقلها و لا تحب أن يسيرها أحد على مزاجه بالمشاعر و العواطف يعني ما أحب الإبتزاز العاطفي
الله سبحانه و تعالى إبتلاني بقرايب عايروني بأني عانس لما كلمت بنتهم أبارك لها الزواج
و بعد ذلك إبتلاني بأنني قد عملت في مستشفى و فيه رجال ماتت فيها الرجوله لا يخافون الله في بنات الناس اللي كان معاي بالمكتب حاول أن يلعب على مشاعري و قال لي أنا سوف أتزوجك و شفته يكلم أمه يقول لها يبغيني أنا فرحت طرت من الفرحه أخيرا راح أتزوج و راح تروح حرقة قلبي من إستهزاء قريباتي علي و بعدين إتضح لي أنه كذاب و بعد قام يتكلم علي قدام الناس بأني بأني قليلة أدب رغم أني ما صدر مني شيء إتجاهه أنا أعترف بأني غلطانه كنت أظن أني راح أكون زي صديقات أختي الدكتوره اللي خطبوها دكاتره اللي يشتغلون معاها و عاشوا مع أزواجهم بسعاده أنا غبيه
فقررت أن أخرج من عملي و أعمل معلمة و قدمت على موقع الوزارة و قبلوني معلمة في منطقة تبعد عن منطقتي 800 كلم
ذهبت إلى هذه المنطقة سعيدة لأني تخلصت من الجو العفن الذي كنت أعيش فيه و أني راح أفتح صفحة جديدة في حياتي و بإذن الله راح تجي حركة النقل و أنقل ديرتي
للأسف وحده من اللي سكنت معهم زوجها معفن الله ينتقم منه و يوريه في بناته أنا شوي عريضه من تحت و هو عاد طالع فيني و هي جنت قامت تطلع علي كلام إني أعرف شباب و أني أبغى أخطف زوجها منها الله فوق ياخذ حقي منها و من كل وحده تكلمت آمين
هي تبغاني أنحف عشان تنحل المشكله و أنا ما أبغى أحد يستغلني و لا يلعب علي هي ما كلمتني بأسلوب محترم
ظليت معاها شهر في سكن واحد كانت لما أجلس بينهم ما تتكلم إلا عن الشباب و عن أيش اللي يصير بين المره و زوجها ما إحترمت أن هم أصلا ماخذين من أهلنا ما إحترمت القرابه راحت حق قرايبنا و قامت تطلع علي كلام قرايبنا سألوني أعرفها ولا لا أنا قلت لهم لا عشان أتجنب الكلام و القيل و القال بس أحس أن صبرت و مليت من حركاتها
أنا ما أبغى أنحف لأن الخطابات لما يجون بيتنا ما يخطبوني إلا لأني سمينه و ماما تمدح في جسمي جنبهم و هذا سبب ثاني
قولو لي أيش أسوي ساعدوني الله يخليكم